დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს ბენეფიციარები საზოგადოებრივი უსაფრთხოების მართვის ცენტრ 112-ს ესტუმრნენ
დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს ბენეფიციარები საზოგადოებრივი უსაფრთხოების მართვის ცენტრ 112-ს ესტუმრნენ. არასრულწლოვნებმა შინაგან საქმეთა სამინისტროს საზოგადოებრივი უსაფრთხოების მართვის ცენტრის თბილისისა და რუსთავის ცენტრი დაათვალიერეს და უწყების მუშაობის სპეციფიკას გაეცნენ. ბენეფიციარებმა ოპერატორების სამუშაო სივრცეები მოინახულეს, სადაც ცენტრის თანამშრომლები მოქალაქეთა ზარებს უწყვეტ რეჟიმში პასუხობენ; გაეცნენ გადაუდებელი დახმარების ნომრის სწორად გამოყენების წესებს და მიიღეს საჭირო ინფორმაცია ისეთი საკითხების შესახებ, როგორიცაა - რა არის გადაუდებელი შემთხვევა, როგორ უნდა მოიქცნენ ასეთი შემთხვევების დროს და რას მოიცავს ოპერატორთან სწორი თანამშრომლობა. 112-ის თანამშრომლებმა არასრულწლოვნებს არამიზნობრივი ზარის განხორციელების საფრთხეები და ის სანქციებიც განუმარტეს, რაც ცრუ ზარის დროსაა გათვალისწინებული. ბენეფიციარების ცნობიერების ამაღლებისა და რეაბილიტაციის პროცესის ხელშეწყობის მიზნით მსგავს აქტივობებს იუსტიციის სამინისტროს დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტო მომავალშიც გააგრძელებს.
იუსტიციის სამინისტროს დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს არასრულწლოვანი ბენეფიციარები მეხანძრე-მაშველის საქმიანობას გაეცნენ
იუსტიციის სამინისტროს დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს არასრულწლოვანი ბენეფიციარები მეხანძრე-მაშველის საქმიანობას გაეცნენ. დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს ინიციატივითა და საქართველოს შინაგან საქმეთა სამინისტროს მხარდაჭერით, სააგენტოს ბენეფიციარები საგანგებო სიტუაციების მართვის სამსახურს ესტუმრნენ. მონაწილეებმა დაათვალიერეს საგამოფენო სივრცე და მეხანძრე-მაშველის პროფესიის სპეციფიკას გაეცნენ - მონაწილეობა მიიღეს სიმულაციურ აქტივობებში. ღონისძიების მიზანია ბენეფიციარები სხვადასხვა სპეციალობას გაეცნონ, რაც მათ მომავალი პროფესიული არჩევანის გაკეთებას გაუადვილებს. სააგენტო მსგავს აქტივობებს მომავალშიც განახორციელებს.
დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს უფროსმა გიორგი საჯაიამ შიდა ქართლისა და სამცხე-ჯავახეთის პრობაციის ბიუროების თანამშრომლებთან სამუშაო შეხვედრები გამართა
დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს უფროსმა გიორგი საჯაიამ შიდა ქართლისა და სამცხე-ჯავახეთის პრობაციის ბიუროების თანამშრომლებთან სამუშაო შეხვედრები გამართა. შეხვედრებზე სააგენტოს ხელმძღვანელმა თანამშრომლებს ძირითადი მიმართულებები, პრიორიტეტები და სამომავლო გეგმები გააცნო. განიხილეს ბიუროების მიმდინარე საქმიანობა, არსებული გამოწვევები და სამუშაო პროცესების გაუმჯობესების შესაძლებლობები. ასევე, დაიგეგმა კონკრეტული ნაბიჯები, რაც სააგენტოს საქმიანობას კიდევ უფრო ეფექტიანს, მოქნილსა და შედეგზე ორიენტირებულს გახდის. გიორგი საჯაიამ, ასევე, მოისმინა სააგენტოს საქმიანობასთან დაკავშირებულ საკითხებზე თანამშრომლების მოსაზრებები.
დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს არასრულწლოვანთა რეფერირების ცენტრში გოგონათა საერთაშორისო დღე აღნიშნეს
დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს არასრულწლოვანთა რეფერირების ცენტრში გოგონათა საერთაშორისო დღე აღინიშნა. ღონისძიების ფარგლებში ყურადღება დაეთმო გოგონათა უფლებებს, განათლების მიღების მნიშვნელობასა და თანაბარ შესაძლებლობებს. შეხვედრაზე ასევე იმსჯელეს ადრეული ქორწინების რისკებზე, გენდერულ სტერეოტიპებსა და დისკრიმინაციის პრევენციაზე. შეხვედრის დასასრულს ბენეფიციარებს სიმბოლური საჩუქრები გადაეცათ. სააგენტო მომავალშიც გააგრძელებს არასრულწლოვანთა მხარდაჭერას, მათი უფლებების შესახებ ცნობიერების ამაღლებასა და პიროვნული განვითარების ხელშეწყობას. გოგონათა საერთაშორისო დღე გაერო-ს ინიციატივით, 2012 წლიდან აღინიშნება.
დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს ბენეფიციარები ისტორიულ მუზეუმს ესტუმრნენ
დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს არასრულწლოვანი ბენეფიციარები რუსთავის ისტორიულ მუზეუმს ესტუმრნენ. კულტურულ-შემეცნებითი პროექტის ფარგლებში განხორციელდა პროგრამა „სახალისო არქეოლოგია“. მოზარდებმა იმიტირებულ გათხრებში მიიღეს მონაწილეობა და მუზეუმში დაცულ არტეფაქტებსა და ეთნოგრაფიულ მასალებს გაეცნენ. სარეაბილიტაციო პროგრამა ბენეფიციართა ინტერესების განვითარებასა და რეაბილიტაცია-რესოციალიზაციის პროცესის ხელშეწყობას ისახავდა მიზნად. სააგენტო მსგავს აქტივობებს მომავალშიც განახორციელებს.
იუსტიციის სამინისტროს დელეგაციამ გაერო-ს დანაშაულის პრევენციისა და სისხლის სამართლის მართლმსაჯულების კონგრესში მიიღო მონაწილეობა
იუსტიციის სამინისტროს დელეგაციამ გაერო-ს დანაშაულის პრევენციისა და სისხლის სამართლის მართლმსაჯულების კონგრესში მიიღო მონაწილეობა. საქართველოს იუსტიციის მინისტრის მოადგილე გიორგი დგებუაძემ იუსტიციის სამინისტროს დელეგაციასთან ერთად გაერთიანებული ერების ორგანიზაციის (გაერო) დანაშაულის პრევენციისა და სისხლის სამართლის მართლმსაჯულების მე-15 კონგრესში მიიღო მონაწილეობა. კონგრესის ფარგლებში სიტყვით გამოსვლისას გიორგი დგებუაძემ ყურადღება გაამახვილა დანაშაულის პრევენციისა და მსჯავრდებულთა რეაბილიტაცია-რესოციალიზაციის მიმართულებით საქართველოში გატარებულ რეფორმებზე, მათ შორის, განრიდებისა და მედიაციის პროგრამებზე, არასრულწლოვანთა რეაბილიტაციისა და მხარდაჭერის მხრივ განხორციელებულ ინიციატივებზე. საქართველოს იუსტიციის მინისტრის მოადგილემ მონაწილეობა მიიღო, ასევე, სისხლის სამართლის სფეროში საერთაშორისო თანამშრომლობის გაძლიერებისადმი მიძღვნილ სხდომაში, სადაც მან ისაუბრა საერთაშორისო სამართლებრივი ურთიერთდახმარების, ექსტრადიციისა და მსჯავრდებულთა სასჯელის შემდგომი მოხდის მიზნით გადაცემის მნიშვნელობასა და ქვეყნებს შორის მჭიდრო თანამშრომლობის საჭიროებაზე ტრანსნაციონალური დანაშაულის წინააღმდეგ ეფექტიანი ბრძოლისათვის. კონგრესის პარალელურად, საქართველოს დელეგაციამ, თანამშრომლობის გაღრმავების მიზნით, ორმხრივი შეხვედრები გამართა თურქეთის, აზერბაიჯანის, სომხეთის, იტალიისა და იაპონიის დელეგაციებთან, ასევე, გაეროს დანაშაულის პრევენციისა და სისხლის სამართლის პროგრამის ქსელის (PNI) მონაწილე სისხლის სამართლის მართლმსაჯულებისა და ადამიანის უფლებების საერთაშორისო ინსტიტუტის (SII) წარმომადგენლებთან. საქართველოს იუსტიციის სამინისტროს დელეგაციის შემადგენლობაში იმყოფებოდნენ, ასევე, ანალიტიკური დეპარტამენტის უფროსი გიორგი ლომთაძე; სსიპ - დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს უფროსი გიორგი საჯაია და ამავე სააგენტოს ანალიტიკური დეპარტამენტის უფროსი იასონ ნაჭყებია.
დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს ბენეფიციარებმა კერამიკის სტუდიაში თიხაზე მუშაობის მასტერკლასი გაიარეს
დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს არასრულწლოვანმა ბენეფიციარებმა კერამიკის სტუდიაში თიხაზე მუშაობის მასტერკლასი გაიარეს. გასართობ-შემეცნებითი აქტივობის ფარგლებში მოზარდები თიხის დამუშავების სპეციფიკას გაეცნენ და საკუთარი ხელით დაამზადეს სხვადასხვა ნივთები. ღონისძიება არასრულწლოვანთა რესოციალიზაცია-რეაბილიტაციის პროცესის მხარდაჭერასა და პროფესიული ინტერესების განვითარების ხელშეწყობას ისახავდა მიზნად. დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტო არასრულწლოვანი ბენეფიციარების მხარდაჭერას მომავალშიც გააგრძელებს.
დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნულმა სააგენტომ კანონთან კონფლიქტში მყოფი პირების დასაქმების ხელშეწყობის მიზნით სამუშაო შეხვედრა გამართა
დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნულმა სააგენტომ კანონთან კონფლიქტში მყოფი პირების დასაქმების ხელშეწყობის მიზნით სამუშაო შეხვედრა გამართა. 22 სექტემბერს გამართულ შეხვედრაზე იუსტიციის სამინისტროს მსჯავრდებულთა პროფესიული მომზადებისა და გადამზადების ცენტრისა და ოკუპირებული რეგიონებიდან დევნილთა, შრომის, ჯანმრთელობისა და სოციალური დაცვის სამინისტროს წარმომადგენლებმა კანონთან კონფლიქტში მყოფი პირების დასაქმების ხელშეწყობის შესაძლებლობები, არსებული გამოწვევები და მათზე რეაგირების მექანიზმები განიხილეს. დასაქმების ხელშეწყობა სააგენტოს ბენეფიციართა რესოციალიზაცია-რეაბილიტაციის პროცესის მნიშვნელოვანი მიმართულება და უწყების ერთ-ერთი ძირითადი პრიორიტეტია. პარტნიორ უწყებებთან აქტიური თანამშრომლობა და ერთობლივი პროექტების განხორციელება მომავალშიც გაგრძელდება.
დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს უფროსმა გიორგი საჯაიამ ქვემო ქართლის პრობაციის ბიუროს თანამშრომლებთან სამუშაო შეხვედრა გამართა
დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს უფროსმა გიორგი საჯაიამ ქვემო ქართლის პრობაციის ბიუროს თანამშრომლებთან სამუშაო შეხვედრა გამართა. რუსთავში გამართულ შეხვედრაზე სააგენტოს ხელმძღვანელმა თანამშრომლებს ძირითადი მიმართულებები, პრიორიტეტები და სამომავლო გეგმები გააცნო. განიხილეს ბიუროს მიმდინარე საქმიანობა, არსებული გამოწვევები და სამუშაო პროცესების გაუმჯობესების შესაძლებლობები. ასევე, დაიგეგმა კონკრეტული ნაბიჯები, რაც სააგენტოს საქმიანობას კიდევ უფრო ეფექტიანს, მოქნილსა და შედეგზე ორიენტირებულს გახდის.გიორგი საჯაიამ, ასევე, მოისმინა სააგენტოს საქმიანობასთან დაკავშირებულ საკითხებზე თანამშრომლების მოსაზრებებიც.