დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს არასრულწლოვანი ბენეფიციარები ღვინის დამზადების ტექნოლოგიას გაეცნენ.
დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს არასრულწლოვანი ბენეფიციარები ღვინის დამზადების ტექნოლოგიას გაეცნენ. მოზარდები კახეთში, კომპანია “ასკანელს” ესტუმრნენ, მოისმინეს მისი დაარსების ისტორია და საწარმოო პროცესს გაეცნენ. დაათვალიერეს კომპანიის ვენახები, სადაც საშუალება ჰქონდათ ინფორმაცია მიეღოთ ქართული ღვინის სხვადასხვა სახეობის ჯიშების შესახებ და მონაწილეობა მიეღოთ რთველში. მსგავსი აქტივობები მოზარდებს ინტერესის ახალი სფეროს გამოკვეთასა და სამომავლოდ, პროფესიული არჩევანის გაკეთებაში ეხმარება. ღონისძიება დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს ორგანიზებითა და კომპანია „ასკანელის“ მხარდაჭერით გაიმართა და მისი მიზანი არასრულწლოვანთა რეაბილიტაციის, რესოციალიზაციისა და სოციალიზაციის პროცესის ხელშეწყობაა.
დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს არასრულწლოვანი ბენეფიციარები მხატვარ ნინა ვადაჭკორიას ფერწერულ ნამუშევრების გამოფენას დაესწრნენ.
დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს არასრულწლოვანი ბენეფიციარები მხატვარ ნინა ვადაჭკორიას ფერწერულ ნამუშევრების გამოფენას დაესწრნენ. მხატვარი „სილქ ფაქტორი სტუდიო“-ში მოზარდებს სახვითი ხელოვნების როლზე ესაუბრა და ხატვის მასტერკლასში მიაღებინა მონაწილეობა. არასრულწოვნებს, მხატვარმა გაუზიარა გამოცდილება პალიტრის შერჩევასა და ხატვის ტექნიკებთან დაკავშირებით. მსგავსი აქტივობები მოზარდებს ინტერესის ახალი სფეროს გამოკვეთასა და სამომავლოდ, პროფესიული არჩევანის გაკეთებაში ეხმარება. ღონისძიება დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს ორგანიზებით გაიმართა და მისი მიზანი არასრულწლოვანთა რეაბილიტაციის, რესოციალიზაციისა და სოციალიზაციის პროცესის ხელშეწყობაა.
პრობაციონერებს, განრიდების სუბიექტებსა და ყოფილ პატიმრებს ზესტაფონის, სამტრედიის, სენაკისა და ჩხოროწყუს მუნიციპალიტეტში ანაზღაურებად სამუშაოზე დასაქმების შესაძლებლობა მიეცემათ.
პრობაციონერებს, განრიდების სუბიექტებსა და ყოფილ პატიმრებს ზესტაფონის, სამტრედიის, სენაკისა და ჩხოროწყუს მუნიციპალიტეტში ანაზღაურებად სამუშაოზე დასაქმების შესაძლებლობა მიეცემათ. საზოგადოებისთვის სასარგებლო შრომის ეფექტიანი აღსრულებისთვის, გაიზარდა დასაქმების ობიექტების რიცხვი, რომლის ფარგლებშიც, მსჯავრდებული პირები, რომლებსაც სასჯელის სახედ დაკისრებული აქვთ საზოგადოებისთვის სასარგებლო შრომა ინფრასტრუქტურულ ობიექტებზე დასაქმდებიან. სააგენტოს ბენეფიციარები მუნიციპალიტეტებში მოქმედ საგანმანათლებლო, ახალგაზრდულ, კულტურულ, სპორტულ და მოხალისეობრივ პროგრამებსა და აქტივობებში ჩაერთვებიან. ბენეფიციართა დასაქმებას ითვალისწინებს თანამშრომლობის მემორანდუმი, რომელსაც ხელი დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს უფროსმა - ლადო ხელაძემ, ზესტაფონის მუნიციპალიტეტის მერმა - ვასილ გველესიანმა, სამტრედიის მუნიციპალიტეტის მერმა - დავით ბახტაძემ, სენაკის მუნიციპალიტეტის მერმა - ვახტანგ გადელიამ და ჩხოროწყუს მუნიციპალიტეტის მერმა - დათო გოგუამ მოაწერეს. გასულ წელს, სააგენტომ თანამშრომლობის მემორანდუმები უკვე გააფორმა რუსთავის, თეთრიწყაროს, მარნეულის და ქობულეთის მერიებთან, რაც ბენეფიციართა დასაქმებისა და რეაბილიტაცია-რესოციალიზაციის ხელშეწყობას ისახავს მიზნად
არასრულწლოვანი ბენეფიციარები პირველადი დახმარების ცენტრს ეწვივნენ
დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს არასრულწლოვანი ბენეფიციარები პირველადი დახმარების ცენტრს ეწვივნენ. მოზარდები დაესწრნენ ტრენინგს - "სიცოცხლის გადარჩენის ოქროს გასაღები", მიიღეს ინფორმაცია პირველადი გადაუდებელი სამედიცინო დახმარების მნიშვნელობასა და მის როლზე უბედური შემთხვევის დროს სიცოცხლის გადარჩენისთვის. ვიზიტის დასასრულს არასრულწლოვნები სხვადასხვა პრაქტიკულ აქტივობებში ჩაერთნენ. მსგავსი ღონისძიებები ბენეფიციარების რეაბილიტაცია-რესოციალიზაციის პროცესის მხარდაჭერას, ცნობიერების ამაღლებასა და პროფესიული ორიენტაციის ხელშეწყობას ისახავს მიზნად, რაც უწყების ერთ-ერთი ძირითადი პრიორიტეტია.
„ყოვლისმომცველი მიდგომა დანაშაულის პრევენციისთვის“ – თბილისში საერთაშორისო კონფერენცია დასრულდა
„ყოვლისმომცველი მიდგომა დანაშაულის პრევენციისთვის“ – თბილისში საერთაშორისო კონფერენცია დასრულდა
,,ყოვლისმომცველი მიდგომა დანაშაულის პრევენციისთვის“ – თბილისში საერთაშორისო კონფერენცია მიმდინარეობს
,,ყოვლისმომცველი მიდგომა დანაშაულის პრევენციისთვის“ – თბილისში საერთაშორისო კონფერენცია მიმდინარეობს. ორდღიანი კონფერენციის ფარგლებში სფეროს პროფესიონალები ერთმანეთს უზიარებენ საკუთარი ქვეყნების გამოცდილებას დანაშაულის პრევენციის მიმართულებით; შეხვედრაზე ადგილობრივი სფეროს წარმომადგენლები და საერთაშორისო ექსპერტები მსჯელობდნენ ისეთ საკითხებზე, როგორიცაა: დანაშაულის პირველი, მეორე და მესამე დონის პრევენცია. კონფერენცია მუშაობას თბილისში დეკლარაციის მიღებით დაასრულებს. "ყოვლისმომცველი მიდგომა დანაშაულის პრევენციისათვის" 25 ივლისს, იუსტიციის მინისტრმა და დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს უფროსმა ლადო ხელაძემ გახსნეს. მასში მონაწილეობენ რუმინეთის, ჩეხეთის, ხორვატიის, ნიდერლანდებისა და აზერბაიჯანის იუსტიციის სამინისტროსა და პრობაციის სამსახურების ხელმძღვანელი პირები.
საერთაშორისო კონფერენციის, „ ყოვლისმომცველი მიდგომა დანაშაულის პრევენციისთვის“ ფარგლებში ორმხრივი შეხვედრა გაიმართა
საერთაშორისო კონფერენციის, „ ყოვლისმომცველი მიდგომა დანაშაულის პრევენციისთვის“ ფარგლებში ორმხრივი შეხვედრა გაიმართა. საქართველოს იუსტიციის მინისტრის მოადგილე ბუბა ლომუაშვილმა აზერბაიჯანის დელეგაციას პრობაციისა და დანაშაულის პრევენციის სისტემაში დანერგილი ინოვაციური პროექტები გააცნო. შეხვედრაზე განიხილეს ქართული ინოვაცია „PROBBOX“, პრობაციონერთა საორიენტაციო კურსი, დანაშაულის პრევენციის კურსი სკოლის მასწავლებელთათვის, არასრულწლოვანთა რეფერირების ცენტრის ფუნქციონირება, რეფორმები აღდგენითი მართლმსაჯულების სფეროში, ახალი სარეაბილიტაციო პროგრამები და შინაპატიმრობისა და საზოგადოებისთვის სასარგებლო შრომის აღსრულების საკითხები. შეხვედრას, ესწრებოდნენ დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს უფროსი ლადო ხელაძე, აზერბაიჯანის პრობაციის უფროსი ვუგარ აღაიევი და აზერბაიჯანის იუსტიციის მინისტრის მრჩეველი ელვინ ჰატამზადე. შეხვედრის ბოლოს მხარეებმა აღნიშნეს, რომ დანაშაულის პრევენციისა და პრობაციის სისტემაში პროექტების განხორციელების კუთხით გამოცდილების გაზიარება და შემდგომი თანამშრომლობა ძალიან მნიშვნელოვანია, რასაც დიდად შეუწყობს ხელს თბილისში გამართული ორდღიანი საერთაშორისო კონფერენცია.
„ყოვლისმომცველი მიდგომა დანაშაულის პრევენციისთვის“ – თბილისი საერთაშორისო კონფერენციას მასპინძლობს
„ყოვლისმომცველი მიდგომა დანაშაულის პრევენციისთვის“ – თბილისი საერთაშორისო კონფერენციას მასპინძლობს. საერთაშორისო კონფერენცია დანაშაულის პრევენციის, არასაპატიმრო სასჯელთა აღსრულებისა და პრობაციის სააგენტოს დღეს – 25 ივლისს გაიხსნა. კონფერენციის მიზანია უწყებათაშორისი თანამშრომლობის გაღრმავება დანაშაულის პრევენციისა და პრობაციის სფეროებში, დარგის სპეციალისტების პროფესიული განვითარების ხელშეწყობა და არსებული მომსახურებების და რესურსების შესახებ ინფორმაციის გაცვლა. ღონისძიების ფარგლებში საქართველო, ერთი მხრივ, პარტნიორ ქვეყნებს გამოცდილებას უზიარებს დანაშაულის პრევენციისა და პრობაციის სფეროში დანერგილი ინოვაციური მიდგომებისა და ისეთი სერვისების შესახებ, როგორიცაა: ქართული ინოვაცია „PROBBOX“, „ციფრული უნივერსიტეტი“, დანაშაულის პრევენციის კურსი სკოლის მასწავლებლებისათვის და სხვა; მეორე მხრივ კი, ქართული მხარე ეცნობა ევროპული ქვეყნების საუკეთესო პრაქტიკას, რაც ხელს შეუწყობს კანონთან კონფლიქტში მყოფი პირების რეაბილიტაცია-რესოციალიზაციას და მათი მხრიდან განმეორებითი დანაშაულის პრევენციას, რაც საზოგადოების უსაფრთხოებას ემსახურება. კონფერენცია იუსტიციის მინისტრმა რატი ბრეგაძემ გახსნა. მონაწილეებს მისასალმებელი სიტყვით მიმართეს დანაშაულის პრევენციის, არასაპატიმრო სასჯელთა აღსრულებისა და პრობაციის სააგენტოს უფროსმა ლადო ხელაძემ; საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის; შინაგან საქმეთა; განათლების, მეცნიერებისა და ახალგაზრდობის მინისტრების მოადგილეებმა, პრემიერ-მინისტრის მრჩეველმა ადამიანის უფლებათა დაცვის საკითხებში და საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ. საქართველოს პრობაციის სისტემის შესახებ მომზადებული კვლევის ანგარიშის პრეზენტაცია გამართა ევროპული კონფედერაციის წარმომადგენელმა და აღნიშნა, რომ „პრობაციის სისტემა და მისი საქმიანობა საქართველოში მძლავრადაა განვითარებული და ეს პროცესი ბოლო წლებში დაჩქარდა“. ორდღიანი კონფერენციის ფარგლებში სფეროს პროფესიონალები ერთმანეთს გაუზიარებენ საკუთარი ქვეყნების გამოცდილებას დანაშაულის პრევენციის მიმართულებით; იმსჯელებენ ისეთ საკითხებზე, როგორიცაა: პრობაციის სისტემები ევროპულ ქვეყნებში და მათი შესაძლებლობების განვითარება; სახელმწიფო ინსტიტუციების, საზოგადოების, არასამთავრობო და კერძო სექტორის ჩართულობა დანაშაულის პრევენციის პროცესში; რეაბილიტაციისა და რესოციალიზაციის შესაძლებლობები. კონფერენციაში მონაწილეობენ რუმინეთის, ჩეხეთის, ხორვატიის, ნიდერლანდებისა და აზერბაიჯანის იუსტიციის სამინისტროსა და პრობაციის სამსახურების ხელმძღვანელი პირები. საერთაშორისო კონფერენცია მუშაობას თბილისის დეკლარაციის მიღებით დაასრულებს.
ზესტაფონსა და სამტრედიაში საერთაშორისო სტანდარტების შესაბამისი მედიაციის სივრცეები გაიხსნა
ზესტაფონსა და სამტრედიაში საერთაშორისო სტანდარტების შესაბამისი მედიაციის სივრცეები გაიხსნა. მედიაციის სივრცეები საერთაშორისო სტანდარტებთან შესაბამისია, რომელიც სრულად აკმაყოფილებს ყველა საჭიროებას. კერძოდ, მხარეებისთვის უზრუნველყოფილია მოლაპარაკების წარმოების ყველა პირობა. სივრცეეებში ასევე იფუნქციონირებს იუსტციიის სასწავლო ცენტრის ბაზა, სადაც დასავლეთ საქართველოში მცხოვრები იუსტიციის სისტემაში დასაქამებული თანამშრომლები ადგილზე შეძლებენ სხვადასხვა სატრენინგო მომსახურების მიღებას. მედიაციის სივრცეები თბილისში, ქუთაისში, ხაშურში, ოზურგეთში, ახალქალაქში, სენაკში, ბათუმში, გორში, საჩხერეში, ხობში, დედოფლისწყაროში, დმანისში და დღეიდან, უკვე ზესტაფონსა და სამტრედიაში მოქმედებს. ახალი სივრცეები დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს უფროსმა ლადო ხელაძემ და იუსტიციის სასწავლო ცენტრის დირექტორმა ვახტან ჟვანიამ გახსნეს.