დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნულმა სააგენტომ ახალგაზრდული ორგანიზაციის წევრებს უმასპინძლა
დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნულმა სააგენტომ ახალგაზრდული ორგანიზაციის წევრებს უმასპინძლა. სააგენტოს სტრუქტურული ერთეულების ხელმძღვანელმა პირებმა „საქართველოს სტუდენტური პარლამენტისა და მთავრობის“ წარმომადგენლებს დეტალურად გააცნეს უწყების საქმიანობის ძირითადი მიმართულებები. განსაკუთრებული ყურადღება დაეთმო პრობაციისა და არასაპატიმრო სასჯელების აღსრულებას, მსჯავრდებულთა და ყოფილ პატიმართა სარეაბილიტაციო შესაძლებლობებს, განრიდების პროგრამებსა და არასრულწლოვანთა დანაშაულის პრევენციის მექანიზმებს. საინფორმაციო შეხვედრა ინტერაქციულ ფორმატში, კითხვა-პასუხის რეჟიმში წარიმართა. ღონისძიება მიზნად ისახავდა ახალგაზრდების ცნობიერების ამაღლებას სააგენტოს საქმიანობისა და მის სისტემაში მოქმედი პროგრამებისა და სერვისების შესახებ.
დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს ბენეფიციარებისთვის შემეცნებითი ტური გაიმართა
დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს ბენეფიციარებისთვის შემეცნებითი ტური გაიმართა სსიპ - დავით აღმაშენებლის სახელობის საქართველოს ეროვნული თავდაცვის აკადემიაში ბენეფიციარებმა დაათვალიერეს აკადემიის ტერიტორია, იქ განთავსებული სამხედრო მუზეუმები, აუდიტორიები და სარეკრეაციო სივრცეები. მიიღეს ინფორმაცია ეროვნული თავდაცვის აკადემიის უმაღლესი განათლებისა და სამხედრო მიმართულებების ინტეგრირებულ პროგრამებზე. აღნიშნულ ტურებს დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტო ბენეფიციართა ცნობიერების ამაღლებისა და პროფორიენტაციის ხელშეწყობის მიზნით ახორციელებს. მსგავსი შემეცნებითი აქტივობები ხელს უწყობს მათ რეაბილიტაციისა და რესოციალიზაციის პროცესში.
დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნულმა სააგენტომ თბილისის სახელმწიფო უნივერსიტეტის სტუდენტებს უმასპინძლა
დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნულმა სააგენტომ თბილისის სახელმწიფო უნივერსიტეტის სტუდენტებს უმასპინძლა. სააგენტოს თანამშრომლებმა სტუდენტებს დეტალურად გააცნეს უწყების საქმიანობის სპეციფიკა. განსაკუთრებული ყურადღება დაეთმო პრობაციონერთა ზედამხედველობის მექანიზმებს, ალტერნატიული სანქციების აღსრულებას, განრიდებისა და მედიაციის პროგრამებს, აგრეთვე მსჯავრდებულთა რესოციალიზაციისა და რეაბილიტაციის მექანიზმებს. საინფორმაციო შეხვედრა ინტერაქციულ ფორმატში, კითხვა-პასუხის რეჟიმში წარიმართა. ღონისძიება მიზნად ისახავდა ახალგაზრდების ცნობიერების ამაღლებას მსჯავრდებულთა რეაბილიტაცია-რესოციალიზაციისა და პრობაციის სფეროში მოქმედი პროგრამებისა და სერვისების შესახებ.
დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს არასრულწლოვანმა ბენეფიციარებმა თიხაზე მუშაობის მასტერკლასი გაიარეს
დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს არასრულწლოვანმა ბენეფიციარებმა კერამიკის სტუდიაში თიხაზე მუშაობის მასტერკლასი გაიარესმოზარდები გაეცნენ თიხაზე მუშაობის სპეციფიკას და თავიანთი ხელით გააკეთეს სხვადასხვა ნივთები.გასართობ-შემეცნებითი აქტივობა მიზნად ისახავდა არასრულწლოვანთა რესოციალიზაცია-რეაბილიტაციის პროცესის მხარდაჭერასა და პროფესიული ინტერესების განვითარების ხელშეწყობას.დანაშაულის პრევენციის, არასაპატიმრო სასჯელთა აღსრულებისა და პრობაციის სააგენტო არასრულწლოვანი ბენეფიციარების მხარდაჭერას მომავალშიც გააგრძელებს.
ყაზახეთის დელეგაცია ქართული ინოვაციის - „პრობბოქსის” ფუნქციონირებას გაეცნო
ყაზახეთის დელეგაცია ქართული ინოვაციის - „პრობბოქსის” ფუნქციონირებას გაეცნო. დელეგაციის წევრებმა მოისმინეს იუსტიციის სამინისტროს ინოვაციური მოწყობილობის უპირატესობების შესახებ, რომელიც თითის ანაბეჭდისა და სახის ამომცნობით არის აღჭურვილი და პრობაციონერებს საშუალებას აძლევს, სერვისები ბიუროში გამოცხადების გარეშე, ალტერნატიულ შენობებში მიიღონ; უზრუნველყოფს მეტი ანონიმურობას და ზრდის მომსახურების გეოგრაფიულ არეალს. მოწყობილობა ქართული ინოვაციაა და მას ანალოგი არ აქვს. „პრობბოქსი”თბილისსა და კიდევ 23 მუნიციპალიტეტშია განთავსებული. გასულ წელს მისი საშუალებით 200.000-მდე სერვისი გაიცა. ყაზახეთის დელეგაცია საქართველოში საჯარო სერვისების მიწოდების სფეროში დანერგილ ინოვაციურ მიდგომებს ეცნობა. ვიზიტის ფარგლებში შეხვედრები უკვე გაიმართა იუსტიციის სახლში, იუსტიციის სასწავლო ცენტრსა და საქართველოს შინაგან საქმეთა სამინისტროს მომსახურების სააგენტოში
დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს განრიდებისა და მედიაციის დეპარტამენტმა სტუდენტებთან საინფორმაციო შეხვედრები გამართა
დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს განრიდებისა და მედიაციის დეპარტამენტმა სტუდენტებთან საინფორმაციო შეხვედრები გამართა. დეპარტამენტის თანამშრომლებმა დეტალურად განიხილეს არასრულწლოვანთა მართლმსაჯულების ძირითადი პრინციპები, მათი კავშირი განრიდება-მედიაციის პროცესთან და მედიაციის მნიშვნელოვანი როლი კონფლიქტების ეფექტიანად მოგვარებაში.მსგავსი შეხვედრები საქართველოს სხვადასხვა უნივერსიტეტში იმართება და განრიდება-მედიაციის პროგრამის შესახებ ცნობიერების ამაღლებასა და სამართლებრივი კულტურის გაღრმავებას ისახავს მიზნად.ღონისძიებებს ასევე ესწრებოდნენ მედიატორები, რომლებმაც პრაქტიკული მაგალითების საფუძველზე სტუდენტებს პროფესიული გამოცდილება გაუზიარეს და მათ შეკითხვებს უპასუხეს.
იუსტიციის სამინისტროს დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნულმა სააგენტომ არასრულწლოვნებს ბავშვთა დაცვის საერთაშორისო დღე მიულოცა
იუსტიციის სამინისტროს დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნულმა სააგენტომ არასრულწლოვნებს ბავშვთა დაცვის საერთაშორისო დღე მიულოცა. გასართობ-შემეცნებითი ღონისძიებები თბილისსა და ბათუმში არასრულწლოვანთა რეფერირების ცენტრის ორგანიზებით მოეწყო. ბავშვებმა ბოტანიკური ბაღის ტერიტორია გიდის თანხლებით დაათვალიერეს და ანიმატორთა მონაწილეობით გამართულ სახალისო აქტივობებში ჩაერთნენ. ღონისძიების დასასრულს სააგენტოს ხელმძღვანელმა ნიკა ცხვარაშვილმა არასრულწლოვნებს ბავშვთა საერთაშორისო დღე მიულოცა და სააგენტოს სახელით სიმბოლური საჩუქრები და ტკბილეული გადასცა. არასრულწლოვანთა დანაშაულის პრევენცია და მოზარდთა რეაბილიტაცია-რესოციალიზაციის პროცესის ხელშეწყობა იუსტიციის სამინისტროსა და დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს პრიორიტეტია. ამ მიზნით, მსგავს აქტივობებს უწყება მომავალშიც გამართავს.
დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს არასრულწლოვანთა რეფერირების ცენტრის ბენეფიციარის პერსონალური გამოფენა მოეწყო
დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს არასრულწლოვანთა რეფერირების ცენტრის ბენეფიციარის პერსონალური გამოფენა მოეწყო. გამოფენა-გაყიდვიდან შემოსული თანხა სრულად გადაეცემა ბენეფიციარს. ექსპოზიციაზე წარმოდგენილი იყო მოზარდის მიერ არტთერაპიის ფარგლებში შექმნილი მრავალფეროვანი ნამუშევრები. ღონისძიება მიზნად ისახავდა არასრულწლოვანთა რესოციალიზაცია-რეაბილიტაციის პროცესის მხარდაჭერასა და პროფესიული ინტერესების განვითარების ხელშეწყობას. სააგენტო მომავალშიც გააგრძელებს ბენეფიციართა მხარდაჭერას და მათზე ორიენტირებული საგანმანათლებლო პროექტების განხორციელებას.
ოჯახში ძალადობის ჩამდენ პირებთან მუშაობის გაძლიერების თემაზე სემინარი გაიმართა
ოჯახში ძალადობის ჩამდენ პირებთან მუშაობის გაძლიერების თემაზე სემინარი გაიმართა. დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს, სპეციალური პენიტენციური სამსახურისა და სახელმწიფო ზრუნვის სააგენტოს წარმომადგენლებმა სემინარის ფარგლებში საერთაშორისო ექსპერტებთან ერთად პრაქტიკულად განიხილეს ძალადობრივი ქცევის გააზრების, აგრესიის მართვის, ემოციების რეგულაციისა და გენდერული ნორმების საკითხები. აღნიშნული თანამშრომლობა ხელს უწყობს უწყებათაშორისი კოორდინაციის გაძლიერებასა და მტკიცებულებებზე დაფუძნებული ინტერვენციების დანერგვას, რაც მნიშვნელოვანია ძალადობის პრევენციის მექანიზმების გაუმჯობესებისა და უსაფრთხო გარემოს შექმნისთვის. სემინარი, რომელიც ოჯახში ძალადობის ჩამდენ პირებთან მუშაობის გაძლიერებას ისახავს მიზნად გაეროს ქალთა ორგანიზაციის UN Women-ის ინიციატივითა და ევროკავშირის მხარდაჭერით გაიმართა.