თბილისის პრობაციის ბიუროს სამოქმედო ტერიტორიაა – ქალაქ თბილისის მუნიციპალიტეტი. თბილისის პრობაციის ბიუროს ადგილსამყოფელია – ქ. თბილისი, ალექსანდრე ყაზბეგის გამზირი №42.

მცხეთა-მთიანეთის პრობაციის ბიუროს სამოქმედო ტერიტორიაა – მცხეთის, თიანეთის, დუშეთისა და ყაზბეგის მუნიციპალიტეტები. მცხეთა-მთიანეთის პრობაციის ბიუროს ადგილსამყოფელია – ქ. მცხეთა, დავით აღმაშენებლის ქ. №51.

შიდა ქართლის პრობაციის ბიუროს სამოქმედო ტერიტორიაა – გორის, კასპის, ქარელის და ხაშურის მუნიციპალიტეტები, აგრეთვე ყოფილი სამხრეთ ოსეთის ავტონომიური ოლქის ტერიტორიაზე შექმნილი დროებითი ადმინისტრაციულ-ტერიტორიული ერთეული. შიდა ქართლის პრობაციის ბიუროს ადგილსამყოფელია – ქ. გორი, სამეფოს ქ. №54.

ქვემო ქართლის პრობაციის ბიუროს სამოქმედო ტერიტორიაა – ქალაქ რუსთავის, მარნეულის, ბოლნისის, დმანისის, გარდაბნის, თეთრი წყაროსა და წალკის მუნიციპალიტეტები. ქვემო ქართლის პრობაციის ბიუროს ადგილსამყოფელია – ქ. რუსთავი, მეგობრობის გამზირი, №20ა.

კახეთის პრობაციის ბიუროს სამოქმედო ტერიტორია – თელავის, საგარეჯოს, გურჯაანის, ლაგოდეხის, ახმეტის, სიღნაღის, წნორის,  ყვარლისა და დედოფლისწყაროს მუნიციპალიტეტები. კახეთის პრობაციის ბიუროს ადგილსამყოფელია – ქ. თელავი, ერეკლე მეორეს მოედანი, №3.

იმერეთის პრობაციის ბიუროს სამოქმედო ტერიტორიაა – ქალაქ ქუთაისის, სამტრედიის, საჩხერის, ჭიათურის, ზესტაფონის, თერჯოლის, ბაღდათის, ხარაგაულის, ტყიბულის, წყალტუბოს, ხონისა და ვანის მუნიციპალიტეტები. იმერეთის პრობაციის ბიუროს ადგილსამყოფელია – ქ. ქუთაისი, ზ. გამსახურდიას ქ. №15.

სამეგრელოსა და ზემო სვანეთის პრობაციის ბიუროს სამოქმედო ტერიტორიაა – ქალაქ ფოთის, ზუგდიდის, სენაკის, მესტიის, მარტვილის, წალენჯიხის, ჩხოროწყუს, აბაშისა და ხობის მუნიციპალიტეტები. სამეგრელოსა და ზემო სვანეთის პრობაციის ბიუროს ადგილსამყოფელია – ქ. ზუგდიდი, თეატრის ქ. №2.

აჭარისა და გურიის პრობაციის ბიუროს სამოქმედო ტერიტორიაა – აჭარის ავტონომიური რესპუბლიკა, აგრეთვე, ოზურგეთის, ჩოხატაურის, ქობულეთის, ხულოს, შუახევის, ქედისა  და ლანჩხუთის მუნიციპალიტეტები. აჭარისა და გურიის პრობაციის ბიუროს ადგილსამყოფელია – ქ. ბათუმი, შერიფ ხიმშიაშვილის ქ. №7.

რაჭა-ლეჩხუმის და ქვემო სვანეთის პრობაციის ბიუროს სამოქმედო ტერიტორიაა – ამბროლაურის, ლენტეხის, ცაგერისა და ონის მუნიციპალიტეტები. რაჭა-ლეჩხუმის და ქვემო სვანეთის პრობაციის ბიუროს ადგილსამყოფელია – ქ. ამბროლაური, ვაჟა-ფშაველას ქ. (საზოგადოებრივი ცენტრის შენობა).

სამცხე-ჯავახეთის პრობაციის ბიუროს სამოქმედო ტერიტორიაა – ახალციხის, ახალქალაქის, ასპინძის, ადიგენის, ბორჯომისა და ნინოწმინდის მუნიციპალიტეტები. მცხეთა-მთიანეთის პრობაციის ბიუროს ადგილსამყოფელია – ქ. ახალციხე, ნიკო კეცხოველის ქ. №6.

მსჯავრდებულთა და ყოფილ პატიმართა რეაბილიტაცია - რესოციალიზაციის დეპარტამენტი  დანაშაულის პრევენციის არასაპატიმრო სასჯელთა აღსრულებისა და პრობაციის ეროვნული სააგენტოს სტრუქტურული ქვედანაყოფია და თავისი ამოცანებისა და კომპეტენციის განხორციელებისას წარმოადგენს პრობაციის სისტემას. სტრუქტურული ერთეულის ძირითადი საქმიანობა მოიცავს: 

• რეაბილიტაცია-რესოციალიზაციის მიმართულებით, პროფესიული სტანდარტების შემუშავებასა და დანერგვას;
• სოციალური მუშაკებისა და ფსიქოლოგების პროფესიული უნარ-ჩვევების განვითარების საჭიროებების განსაზღვრას, კვალიფიკაციის ამაღლების ხელშეწყობასა და პერიოდული პროფესიული გადამზადების ორგანიზებას;
• სოციალური მუშაკებისა და ფსიქოლოგების საქმიანობაზე პროფესიულ ზედამხედველობას;
• ფსიქო-სოციალური, საგანმანათლებლო და სარეაბილიტაციო პროგრამების და პროექტების შემუშავება/ადაპტირებას, განხორციელებასა და მართვას;
• კვალიფიციური ინდივიდუალური შეფასების მომზადების  უზრუნველყოფას, შესაბამისი მომსახურების მიწოდებასა  და პროცესის ზედამხედველობას;
• სააგენტოს ბენეფიციარებისთვის რისკებსა და საჭიროებებზე მორგებული მომსახურების მიწოდებას. რეაბილიტაცია-რესოციალიზაციის პროცესის მონიტორინგისა და შეფასების სისტემის დანერგვა-ფუნქციონირებას;
• რესოციალიზაცია-რეაბილიტაციის მიმართულებით, საუკეთესო პრაქტიკის დანერგვის მიზნით, შესაბამის საერთაშორისო და ადგილობრივ ორგანიზაციებთან თანამშრომლობას.

განრიდებისა და მედიაციის დეპარტამენტი

განრიდებისა და მედიაციის დეპარტამენტის ფუნქციებია:

• არასრულწლოვანთა მართლმსაჯულების კოდექსითა და სხვა ნორმატიული აქტებით განსაზღვრული განრიდებისა და მედიაციის პროგრამის მართვა და კოორდინირება;
• კომპეტენციის ფარგლებში, განრიდებისა და მედიაციის პროგრამაში ჩართული პროფესიონალების კვალიფიკაციის ამაღლება;
• პროგრამასთან დაკავშირებული სამართლებრივი ბაზისა და მექანიზმების დასახვეწად რეკომენდაციების შემუშავება;
• აღდგენითი მართლმსაჯულების მიდგომების პოპულარიზაცია და დანერგვა;
• აღდგენითი მართლმსაჯულების, სისხლის სამართლის მედიაციის გამოყენების სფეროების გაფართოება, შესაბამისი პროგრამების დანერგვა, განვითარება და პოპულარიზაცია;
• მედიატორების კვალიფიკაციის ამაღლება;
• სისხლის სამართლის მედიატორთა საქმიანობის მართვა და კონტროლი;
• განრიდებისა და აღდგენითი მართლმსაჯულების სფეროში უწყებათაშორისი კოორდინაცია,
• საერთაშორისო და ადგილობრივ ორგანიზაციებთან თანამშრომლობა;
• საქართველოს კანონმდებლობით გათვალისწინებული სხვა ფუნქციების განხორციელება.

ორგანიზაციული მხარდაჭერის დეპარტამენტის ფუნქციებია:

• სააგენტოში საქმისწარმოების კანონმდებლობით დადგენილი წესით განხორციელება;
• სააგენტოში შესული ოფიციალური კორესპონდენციის დამუშავებისა და დოკუმენტბრუნვის უზრუნველყოფა;
• საქმეთა ნომენკლატურის შედგენა/განახლება;
• სააგენტოს დოკუმენტაციის დადგენილი წესით აღრიცხვისა და შენახვის უზრუნველყოფა;
• მსჯავრდებულთა პირადი საქმეების დადგენილი წესით შესაბამისობაში მოყვანისა და სააგენტოს არქივში შენახვის უზრუნველყოფა;
• სააგენტოს სხვა სტრუქტურული ერთეულებიდან და ტერიტორიული ორგანოებიდან ინფორმაციისა და დოკუმენტების გამოთხოვა, მიღება და დამუშავება;
• „სახელმწიფო საიდუმლოების შესახებ“ საქართველოს კანონით გათვალისწინებული საქმისწარმოების უზრუნველყოფა;
• დაარქივებულ სააღსრულებო საქმეებთან დაკავშირებით, სააგენტოში შემოსული განცხადებებისა და წერილების დამუშავება და შესაბამისი პასუხის მომზადება;
• პრობაციის ბიუროთა მხარდაჭერის უზრუნველყოფა მათ კომპეტენციას მიკუთვნებულ საკითხებში, მათ შორის, მსჯავრდებულის მიერ შინაპატიმრობის ელექტრონული ზედამხედველობის საშუალებით აღსრულებისთვის და სასჯელის სახით საზოგადოებისთვის სასარგებლო შრომის დანიშვნის შესახებ სამართლებრივი აქტების აღსრულების მიზნით შესაბამისი სამუშაო ადგილებისა და დამსაქმებლის მოძიებაში;
• შინაპატიმრობის აღსრულების დროს გამოვლენილი დარღვევის ფაქტზე სწრაფი რეაგირება და მისი დროული აღმოფხვრის უზრუნველყოფა, რომელსაც ახორციელებს სწრაფი რეაგირების ჯგუფი;
• სააგენტოს ლოკალურ და ცენტრალიზებულ ბაზებში არსებული შეცდომების გასწორება, მათი შევსება/სრულყოფა;
• სააგენტოს ელექტრონული ზედამხედველობის ცენტრის მართვის ფუნქციონირების უზრუნველყოფა, ელექტრონული ზედამხედველობის სისტემის ადმინისტრირება და ამ სისტემაში ასახული შეტყობინებების გადამისამართება შესაბამისი პრობაციის ბიუროებისთვის; ვიდეოპაემნის სერვისის ტექნიკური უზრუნველყოფა; სააგენტოში მოქალაქეთა და სხვა სტუმართა მიღების ორგანიზება; სააგენტოს საზოგადოებრივი მისაღების საქმიანობის უზრუნველყოფა;
• სააგენტოს კომპეტენციის ფარგლებში, მოქალაქეთა სატელეფონო მომსახურების (მათ შორის, სამართლებრივ საკითხებზე) უზრუნველყოფა, რომელსაც ახორციელებს სააგენტოს სატელეფონოსაინფორმაციო ცენტრი. კანონმდებლობით გათვალისწინებული სხვა ფუნქციების განხორციელება.

არასრულწლოვანთა რეფერირების ცენტრის ფუნქციებია:

• „დანაშაულის პრევენციის, არასაპატიმრო სასჯელთა აღსრულების წესისა და პრობაციის შესახებ“ საქართველოს კანონით, „ზოგადი განათლების შესახებ“ საქართველოს კანონითა და  „არასრულწლოვანთა რეფერირების წესით“ გათვალისწინებული რთული ქცევის მქონე არასრულწლოვანთა სოციალიზაციის, რესოციალიზაციისა და რეაბილიტაციის ხელშეწყობა;
• კომპეტენციის ფარგლებში, არასრულწლოვანთა დანაშაულის პრევენციის მიმართულებით ინსტიტუციური და კომპლექსური მიდგომების დანერგვა და გამოყენების უზრუნველყოფა;
• არასრულწლოვანთა დანაშაულის პრევენციის ხელშემწყობი პროგრამების შემუშავება და განხორციელება;
• კომპეტენციის ფარგლებში, არასრულწლოვანთა დანაშაულის პრევენცია;
• არასრულწლოვანთა დანაშაულის პრევენციის მიმართულებით, უწყებათაშორისი კოორდინაცია;
• არასრულწლოვანთა რეფერირების ცენტრის სპეციალისტთა ჯგუფის საქმიანობის კოორდინაცია;
• კანონმდებლობით დაკისრებული სხვა მოვალეობების შესრულება.

არასრულწლოვანთა რეფერირების ცენტრი თავისი მიზნისა და ფუნქციების შესასრულებლად უფლებამოსილია:

• მოახდინოს რთული ქცევის მოზარდების იდენტიფიცირება;
• მოითხოვოს, მიიღოს და დაამუშაოს რთული ქცევის მოზარდების შესახებ საჭირო ინფორმაცია ნებისმიერი პირისგან;
• შეაფასოს არასრულწლოვნის მდგომარეობა, ინდივიდუალური საჭიროებები, ფსიქო-სოციალური და სხვა ფაქტორები;
• უზრუნველყოს არასრულწლოვნის შესაბამის სერვისებში/პროგრამებში გადამისამართება ან/და სერვისების მიწოდება;
• კომპეტენციის ფარგლებში, უზრუნველყოს არასრულწლოვნის ოჯახის სოციალური ფუნქციონირების მხარდამჭერ სერვისებში/პროგრამებში გადამისამართება/ჩართვა და ხელი შეუწყოს ასეთი სერვისების/პროგრამების განვითარებას;
• არასრულწლოვნისა და მისი ოჯახისათვის მიწოდებული სერვისებისა და არსებული მდგომარეობის შეფასების მიზნით განახორციელოს სერვისის მიმწოდებელი პირების, საჯარო დაწესებულებების და კერძო სამართლის იურიდიულ პირების მონიტორინგი;
• საჭიროების შემთხვევაში, განახორციელოს არასრულწლოვნის არასრულწლოვანთა რეფერირების დაწესებულებაში გაგზავნა;
• გააფორმოს არასრულწლოვანთა რეფერირებასთან დაკავშირებული კანონმდებლობით გათვალისწინებული ხელშეკრულებები;
• კანონით დადგენილი წესის შესაბამისად, მიმართოს სასამართლოს, საჯარო დაწესებულებებსა და კერძო სამართლის იურიდიულ პირებს;
• განახორციელოს არასრულწლოვანთა დანაშაულის პრევენციის მიზნებისათვის სათანადო ღონისძიებები და აქტივობები, აგრეთვე, შექმნას, განავითაროს და განახორციელოს შესაბამისი სერვისები/პროგრამები;
• განახორციელოს შესაბამისი სერვისის/პროგრამის დასრულების შემდგომი მონიტორინგი;
• უზრუნველყოს არასრულწლოვნის რეფერირების დაწესებულებაში გაგზავნის შესახებ გადაწყვეტილების მიღებასთან, აღსრულებასა და გადასინჯვასთან, აგრეთვე, რეფერირების პროცესის მონიტორინგთან დაკავშირებული საქმიანობის კოორდინაცია;
• განახორციელოს საქართველოს კანონმდებლობით გათვალისწინებული სხვა საქმიანობა.