მემორანდუმი „Gulf Georgia“-სთან
მსჯავრდებულები ნავთობკომპანია „Gulf Georgia“-ში დასაქმდებიან. სამუშაოს მაძიებელი პრობაციონერები ავტოგასამართ სადგურებსა და იქ განთავსებულ სავაჭრო ობიექტებში მუშაობას შეძლებენ. მსჯავრდებულები მათთვის სასურველ რაიონებში დასაქმდებიან. დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს ბენეფიციარები გასაუბრების საფუძველზე შეირჩევიან. მომდევნო ეტაპზე კი, სპეციალურ მომზადებას გაივლიან და გამოსაცდელი ვადის დასრულების შემდეგ, დასაქმდებიან. მსჯავრდებულების დასაქმების ხელშეწყობის მიზნით ურთიერთთანამშრომლობის მემორანდუმი გაფორმდა. დოკუმენტს ხელი დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს უფროსმა, ლადო ხელაძემ, მსჯავრდებულთა პროფესიული მომზადებისა და გადამზადების ცენტრის დირექტორმა, თამთა დემურიშვილმა და შპს „სან პეტროლიუმ ჯორჯია“-ს მარკეტინგის დირექტორმა, ნინო ჯიბლაძემ მოაწერეს.
შეხვედრა თურქეთის თანამშრომლობისა და კოორდინაციის სააგენტოსთან
არასრულწლოვანთა რეფერირების ცენტრი რეგიონულ გაფართოებას და ახალი სარეაბილიტაციო პროგრამის დანერგვას გეგმავს. თურქეთის თანამშრომლობისა და კოორდინაციის სააგენტოს (TİKA) მხრიდან არასრულწლოვანთა რეფერირების ცენტრისთვის განვითარებაში მხარდაჭერა იყო დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნულ სააგენტოში შეხვედრის ძირითადი თემა.TİKA-ს წარმომადგენლები სააგენტოს საქმიანობას, ბენეფიციარებისთვის შექმნილ ინოვაციურ მოწყობილობას და მიმდინარე პროექტებს გაეცნენ. იმსჯელეს მსჯავრდებულთა პროფესიული მომზადებისა და გადამზადების ცენტრის საჭიროებებზეც.შეხვედრას დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს უფროსი ლადო ხელაძე, უწყების სტრუქტურული ერთეულების ხელმძღვანელები, მსჯავრდებულთა პროფესიული მომზადებისა და გადამზადების ცენტრის დირექტორის მოადგილე გუგა მირიანაშვილი, TİKA-ს თბილისის ოფისის კოორდინატორი თუბა ოზუთოქი და მისი მოადგილე სალიჰა გიუნერ ბაირაქდარი ესწრებოდნენ.
ღია კარის დღე სტუდენტებისთვის
პრობაციონერებისთვის შექმნილი ინოვაციური მოწყობილობა PROBBOX-ი, პირობით მსჯავრდებულთა ელექტრონული კონტროლის სისტემა და მიმდინარე პროექტები - მომავალი იურისტებისთვის პრეზენტაცია გაიმართა. დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნულმა სააგენტომ საქართველოში აკრედიტებული უმაღლესი საგანმანათლებლო დაწესებულებების სტუდენტებისთვის ღია კარის დღე მოაწყო. თბილისის სახელმწიფო უნივერსიტეტის, საქართველოს ტექნიკური უნივერსიტეტისა და კავკასიის საერთაშორისო უნივერსიტეტის იურიდიული ფაკულტეტის 30-მდე სტუდენტი სააგენტოს საქმიანობას გაეცნო. სტრუქტურული ერთეულების ხელმძღვანელებმა მომავალ იურისტებს კანონთან კონფლიქტში მყოფ და რთული ქცევის მქონე არასრულწლოვანთა, ყოფილ მსჯავრდებულთა რესოციალიზაციისა და რეაბილიტაციის, ასევე, განრიდებისა და მედიაციის პროგრამებზე მიაწოდეს ინფორმაცია. ღია კარის დღე სტუდენტებისთვის უწყების საქმიანობის გაცნობას და ამ გზით, მათთვის კარიერული არჩევანის გაკეთებაში დახმარებას ემსახურება. სტუდენტებთან შეხვედრა სააგენტოს უფროსმა, ლადო ხელაძემ გახსნა.
არასრულწლოვანთა რეფერირების ცენტრის ბენეფიციარები რუსთაველის ეროვნულ თეატრში სპექტაკლს დაესწრნენ
არასრულწლოვანთა რეფერირების ცენტრის ბენეფიციარები რუსთაველის ეროვნულ თეატრში სპექტაკლ „ტანგოს“ დაესწრნენ. მოზარდებმა სლავომირ მროჟეკის პიესა ნახეს. ცენტრის ბენეფიციარები თეატრში პროექტ „მოგზაურობის“ ფარგლებში იმყოფებოდნენ, რომლის ფარგლებშიც ისინი სხვადასხვა კულტურულ ღონისძიებაში მთელი წლის განმავლობაში ერთვებიან. მსგავსი ტიპის აქტივობები არასრულწლოვნებს საზოგადოებაში ინტეგრირებაში, სოციალურ ჩართულობასა და ინტერესების გაღრმავებაში ეხმარება. პროექტს დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტო, რუსთაველის ეროვნული თეატრის მხარდაჭერით ახორციელებს.
პირობით მსჯავრდებულებს ჰეპატიტებსა და აივ-შიდსზე სკრინინგი ჩაუტარდათ
პირობით მსჯავრდებულებს ჰეპატიტებსა და აივ-შიდსზე სკრინინგი ჩაუტარდათ. პრობაციონერებს კვლევაში ჩართვა უსასყიდლოდ, გურიის პრობაციის ბიუროში, მთელი დღის განმავლობაში შეეძლოთ. სკრინინგის მიზანი, დაავადებების დროულად აღმოჩენა და შემდგომი გავრცელების პრევენციაა. პირობით მსჯავრდებულთა ტესტირება ,,ფენიქსი-2009’’-ის მიერ, ,,ზიანის შემცირების ქსელის’’ ეგიდით და ,,გლობალური ფონდის’’ დაფინანსებით განხორციელდა. აივ შიდსზე, B და C ჰეპატიტებზე სკრინინგის აქცია პერმანენტულად ტარდება.
სააგენტომ საქველმოქმედო პროექტში ჩართული ფონდები დააჯილდოვა
სააგენტომ ბენეფიციარების საკვებით უზრუნველყოფის, სამედიცინო სერვისებისა და მედიკამენტების მიწოდებისთვის მის მიერ ორგანიზებულ საქველმოქმედო პროექტში ჩართული ფონდები დააჯილდოვა. ფონდ „თანსიკეთეს“ მონაწილეობით, 3 თვის განმავლობაში, ბენეფიციარების ოჯახები ყოველთვიურად, საკვები პროდუქტებით მომარაგდა. ფონდმა „ფემინამ“ მარტოხელა, სოციალურად დაუცველი პირობით მსჯავრდებულისთვის მედიკამენტები შეიძინა. განრიდებული სტუდენტისთვის სწავლის გადასახადის თანადაფინანსება უზრუნველყო. დაიგეგმა ციფრული უნარების განვითარებაზე მიმართული ტრენინგები, რომელშიც შიდა ქართლში მცხოვრები მსჯავრდებული ჩაერთვება. ქალთა საერთაშორისო ასოციაცია „საქართველო“ ბენეფიციარების ჯანმრთელობის მდგომარეობის გამოკვლევებს და მედიკამენტების შეძენას უზრუნველყოფს. „ხანძთელის ფონდი“ ადამიანებსა და ორგანიზაციებს ქველმოქმედების განხორციელების პროცესში ეხმარება და გარდა საჭიროებების დაკმაყოფილებისა, ბენეფიციარების მოხალისეობრივ საქმიანობაში ჩართვის მიმართულებაზე, პროფესიული განათლების მიწოდებასა და დასაქმებაზეც ზრუნავს. საქველმოქმედო პროექტის განხორციელება დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნულმა სააგენტომ 2021 წლიდან დაიწყო. სააგენტოს უფროსმა, ლადო ხელაძემ დღეს მსჯავრდებულთა და ყოფილ პატიმართა რესოციალიზაცია-რეაბილიტაციის პროცესში ჩართული ორგანიზაციების წარმომადგენლები მადლობის სიგელებით დააჯილდოვა.
არასრულწლოვანთა რეფერირების ცენტრის ბენეფიციარებმა ილუზიების სამყაროში იმოგზაურეს
არასრულწლოვანთა რეფერირების ცენტრის ბენეფიციარებმა ილუზიების სამყაროში იმოგზაურეს. მოზარდებმა ტრადიციული ექსპონატების ნაცვლად ოპტიკური ჰოლოგრაფიული პორტრეტები დაათვალიერეს. იმყოფებოდნენ ანტი-გრავიტაციის და მბრუნავ ოთახებში. გაიარეს უსასრულო გვირაბი. მუზეუმის სპეციფიკიდან გამომდინარე, არასრულწლოვნები მეცნიერებას მათთვის მარტივად გასაგები ფორმით გაეცნენ. ცენტრის ბენეფიციარებისთვის შემეცნებითი და გასართობი ღონისძიებები, ბავშვთა დაცვის დღესთან დაკავშირებით, 1 ივნისიდან მთელი ქვეყნის მასშტაბით იმართება. არასრულწლოვნები თავიანთი ინტერესების გათვალისწინებით შერჩეულ აქტივობებში ერთვებიან.
სამი პირობით მსჯავრდებული კომპანია „სოკარ ჯორჯიაში“ დასაქმდა
სამი პირობით მსჯავრდებული კომპანია „სოკარ ჯორჯიაში“ დასაქმდა. ჩამსხმელი ოპერატორის პოზიციაზე პირობითი მსჯავრის ქვეშ მყოფი პირები გასაუბრების საფუძველზე შეირჩნენ და გამოსაცდელი ვადაც წარმატებით გაიარეს. პირობითი მსჯავრდებულები კომპანია „სოკარ ჯორჯიას“ სამ ბენზინგასამართ სადგურზე დასაქმდნენ. მათ სამუშაო პირობებს მსჯავრდებულთა პროფესიული მომზადებისა და გადამზადების ცენტრის დირექტორი და დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს უფროსი გაეცნენ. თამთა დემურიშვილი და ლადო ხელაძე პრობაციონერებს გაესაუბრნენ და მათი საჭიროებები მოისმინეს. დღესვე, კომპანია „სოკარ ჯორჯაის“ მომხმარებლებს საჩუქრად ქალი მსჯავრდებულების მიერ გაზრდილი ყვავილები გადაეცათ. პირობითი მსჯავრდებულები კომპანია „სოკარ ჯორჯიასა“ და მსჯავრდებულთა პროფესიული მომზადებისა და გადამზადების ცენტრს შორის გაფორმებული მემორანდუმის ფარგლებში დასაქმდნენ. ურთიერთთანამშრომლობა პრობაციონერებთან ერთად, დაწესებულებაში მყოფი მსჯავრდებულების დასაქმების ხელშეწყობასაც ითვალისწინებს. თანამშრომლობის პირველ ეტაპზე, კომპანია „სოკარ ჯორჯაიმ“ ქალთა #5 დაწესებულებაში მყოფი მსჯავრდებულების მიერ შექმნილი 5000 ლარის ღირებულების ხელნაკეთი ნივთი უკვე შეიძინა
არასრულწლოვანი ბენეფიციარები გასართობ ცენტრში მათი ინტერესების მიხედვით მომზადებულ აქტივობებში ჩაერთნენ
არასრულწლოვანთა რეფერირების ცენტრის ბენეფიციარები გასართობ ცენტრში მათი ინტერესების მიხედვით მომზადებულ აქტივობებში ჩაერთნენ. ადგილზე სხვადასხვა ასაკობრივი ჯგუფისთვის უახლესი აღჭურვილობა და ლაზერული თამაშები იყო მომზადებული. სპეციალურად შერჩეული ფილმების ნახვა მოზარდებს 7D კინოთეატრში შეეძლოთ. არასრულწლოვნები ანიმატორების მიერ დაგეგმილ გასართობ პროგრამაში ჩაერთნენ. აქტივობა ბავშვთა დაცვის საერთაშორისო დღესთან დაკავშირებული კვირეულის ფარგლებში დაიგეგმა. ღონისძიების ფარგლებში, ბენეფიციარებისთვის შემეცნებითი და გასართობი ღონისძიება მთელი ქვეყნის მასშტაბით ტარდება. არასრულწლოვნები კონტაქტურ ზოოპარკსა და ილუზიების მუზეუმს ესტუმრებიან.