უწყების სტრატეგიული განვითარების გეგმას დიპლომატიური კორპუსის და არასამთავრობო სექტორის წარმომადგენლები გაეცნენ
დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს სტრატეგიული განვითარების გეგმას დიპლომატიური კორპუსის და არასამთავრობო სექტორის წარმომადგენლები გაეცნენ. იუსტიციის მინისტრის მოადგილემ, ბუბა ლომუაშვილმა, მოწვეულ სტუმრებთან უწყების პრიორიტეტული მიმართულებები განიხილა და სააგენტოს განვითარების პროცესში, პარტნიორი ქვეყნების და არასამთავრობო ორგანიზაციების მხარდაჭერის მნიშვნელობაზე ისაუბრა. სტრატეგიული განვითარების გეგმის მიხედვით, 2022-2026 წლებში, სააგენტო აქტიურად გააგრძელებს პერსონალზე ზრუნვას, ინფრასტრუქტურულ განახლებას, არასრულწლოვანთა რეფერირების ცენტრის განვითარებას, მედიაციის ხელმისაწვდომობის გაზრდას და ბენეფიციართა რესოციალიზაციისა და რეაბილიტაციის შესაძლებლობების გაფართოებას. გაგრძელდება ინოვაციური ტექნოლოგიების დანერგვით პრობაციის სისტემის მასშტაბური რეფორმა და შინაპატიმრობისა და საზოგადოებისთვის სასარგებლო შრომის ეფექტიანი აღსრულება. მნიშვნელოვანი ყურადღება დაეთმობა უწყებათაშორისი და საერთაშორისო თანამშრომლობის მექანიზმების განმტკიცებას, ასევე სააგენტოს სტრატეგიული კომუნიკაციების და კვლევითი შესაძლებლობების განვითარებას. პრეზენტაციის შემდეგ, მოწვეული სტუმრები პრობაციონერთა ელექტრონული კონტროლისა და მომსახურების ინოვაციური მოწყობილობის - PROBBOX-ის შესაძლებლობებს გაეცნენ. შეხვედრას აშშ-ს, გერმანიის, თურქეთის, ლიეტუვას, რუმინეთის, აზერბაიჯანის და იაპონიის საელჩოების, ასევე საქართველოში გაეროს ბავშვთა ფონდის და ადგილობრივი არასამთავრობო ორგანიზაციების წარმომადგენლები ესწრებოდნენ.
56 მსჯავრდებული საზოგადოებისთვის სასარგებლო შრომაში ჩაერთო
56 მსჯავრდებული საზოგადოებისთვის სასარგებლო შრომაში ჩაერთო. ისინი თბილისის სატრანსპორტო კომპანიის სხვადასხვა ობიექტზე განაწილდნენ. თბილისის პარკინგი, ავტობაზები, ელექტრო-მექანიკური სამსახური, ცენტრალური საწყობი, გაერთიანებული სახელოსნო, ელ. დეპოები - ამ არეალებში, მსჯავრდებულები საზოგადოებისთვის მიყენებულ ზიანს შრომით აანაზღაურებენ და სასჯელის მოხდის შემდგომ, დასაქმების შესაძლებლობა მიეცემათ. მათ სამუშაო პროცესს დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს უფროსის მოადგილე ლადო ხელაძე თბილისის სატრანსპორტო კომპანიის გენერალურ დირექტორთან, გიორგი შარკოვთან ერთად გაეცნო. საზოგადოებისთვის სასარგებლო შრომაში მსჯავრდებულთა ჩართულობის გაზრდის მიზნით, იუსტიციის მინისტრის მოადგილე ბუბა ლომუაშვილი და სააგენტოს უფროსის მოადგილე ლადო ხელაძე თბილისის სატრანსპორტო კომპანიის დირექტორს, გიორგი შარკოვსა და შპს „თბილსერვის ჯგუფის“ დირექტორს, დავით ფაჩულიას მიმდინარე წლის თებერვალში შეხვდნენ. შეთანხმების მიხედვით, მსჯავრდებულები, რომლებსაც სასჯელის ზომად საზოგადოებისთვის სასარგებლო შრომა აქვთ განსაზღვრული, თბილისის მერიის შესაბამის სამსახურებში განაწილდებოდნენ და წარმატებული საქმიანობის შემთხვევაში, სასჯელის მოხდის შემდგომ, დასაქმებას შეძლებდნენ. ინიციატივა საზოგადოებისთვის სასარგებლო შრომის ეფექტიან აღსრულებას, ბენეფიციართა რესოციალიზაცია-რეაბილიტაციას და მათი შემდგომი დასაქმების ხელშეწყობას ითვალისწინებს. ამ მიზნით, 2021 წელს, იუსტიციის სამინისტრომ შესაბამისი მემორანდუმები თბილისის, ქუთაისის, ბათუმის, ფოთის, ოზურგეთის, ზუგდიდის, ხაშურის, ბორჯომის, გურჯაანის, ყვარლის, თელავის და სიღნაღის მუნიციპალიტეტების მერიებთან გააფორმა. 2026 წლის ჩათვლით, მემორანდუმები ქვეყნის ყველა ქალაქთან და მუნიციპალიტეტთან გაფორმდება.
ურთიერთთანაშმრომლობა საზოგადოების უსაფრთხოების სფეროში
საზოგადოების უსაფრთხოების სფეროში თურქეთთან ურთიერთობა გაღრმავდება. სამომავლო თანამშრომლობის განსახილველად, დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს უფროსის მოადგილე და მსჯავრდებულთა პროფესიული მომზადებისა და გადამზადების ცენტრის დირექტორის მოვალეობის შემსრულებელი, თურქეთის ელჩის მოადგილეს, ონურ სევიმს შეხვდნენ. ლადო ხელაძემ და გუგა მირიანაშვილმა თურქ დიპლომატს სააგენტოსა და ცენტრის საქმიანობა გააცნეს და არასრულწლოვანთა რეფერირების ცენტრის განვითარების და მსჯავრდებულთა დასაქმების საკითხები განიხილეს. სააგენტოში, ელჩის მოადგილე პრობაციის ბიუროს თბილისის ოფისში და ელექტრონული მონიტორინგის ცენტრში იმყოფებოდა, სადაც პრობაციონერთა კონტროლის და მომსახურების ინოვაციური მოწყობილობის - PROBBOX-ის შესაძლებლობებს პირადად გაეცნო. შეხვედრისას, მხარეებმა დანაშაულის პრევენციის, პრობაციის სფეროში ინოვაციური ტექნოლოგიებს და მსჯავრდებულთა მომზადება-გადამზადების მიმართულებებით თანამშრომლობის მზადყოფნა გამოთქვეს.
მსჯავრდებულებისთვის საზოგადოებისთვის სასარგებლო შრომაში ჩართვის შესაძლებლობები გაფართოვდა
მსჯავრდებულებისთვის საზოგადოებისთვის სასარგებლო შრომაში ჩართვის შესაძლებლობები გაფართოვდა. აღნიშნულთან დაკავშირებით იუსტიციის მინისტრის მოადგილე ბუბა ლომუაშვილი და სააგენტოს უფროსის მოადგილე ლადო ხელაძე თბილისის სატრანსპორტო კომპანიის დირექტორს, გიორგი შარკოვსა და შპს „თბილსერვის ჯგუფის“ დირექტორს, დავით ფაჩულიას შეხვდნენ. მსჯავრდებულები, რომლებსაც სასჯელის ზომად საზოგადოებისთვის სასარგებლო შრომა აქვთ განსაზღვრული, თბილისის მერიის შესაბამის სამსახურებში განაწილდებიან და წარმატებული საქმიანობის შემთხვევაში, სასჯელის მოხდის შემდგომ, დასაქმების შესაძლებლობა მიეცემათ. ინიციატივა დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს ბენეფიციარების მხრიდან საზოგადოებისთვის მიყენებული ზიანის ანაზღაურებას, მათი რესოციალიზაცია-რეაბილიტაციის და შემდგომი დასაქმების ხელშეწყობას ითვალისწინებს. ამ მიზნით, 2021 წელს, იუსტიციის სამინისტრომ შესაბამისი მემორანდუმები თბილისის, ქუთაისის, ბათუმის, ფოთის, ოზურგეთის, ზუგდიდის, ხაშურის, ბორჯომის, გურჯაანის, ყვარლის, თელავის და სიღნაღის მუნიციპალიტეტების მერიებთან გააფორმა. 2026 წლის ჩათვლით, მემორანდუმები ქვეყნის ყველა ქალაქთან და მუნიციპალიტეტთან გაფორმდება.
წლიური ანგარიშის წარდგენა
ტექნოლოგიური ინოვაციები, ადამიანური რესურსების გაძლიერება, ინფრასტრუქტურული განახლება და ბენეფიციარების საჭირო სერვისებით უზრუნველყოფა - დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს 2021 წელს მიღწეული შედეგები იუსტიციის მინისტრის მოადგილემ, ბუბა ლომუაშვილმა შეაჯამა. ანგარიშის პრეზენტაციისას მინისტრის მოადგილე სააგენტოს საქმიანობის ყველა ძირითად მიმართულებას შეეხო. 2021 წელს, საქართველოში პრობაციონერებისთვის ინოვაციური მოწყობილობა - Probbox-ი შეიქმნა. ევროპაში პირველი, ნოვატორული ტექნოლოგიური მოწყობილობა პირობით მსჯავრდებულთა ელექტრონულ კონტროლსა და სერვისების მიწოდებას, პრობაციის ბიუროში გამოცხადებასთან ერთად, თითის ანაბეჭდისა და სახის ამომცნობი ტექნოლოგიებით უზრუნველყოფს. ამავე წლის განმავლობაში, გაიხსნა იმერეთის პრობაციის რეგიონული ბიუროს განახლებული ოფისი ქუთაისში, მისი მუნიციპალური ოფისები ზესტაფონსა და თერჯოლაში. გარდაბნის პრობაციის ოფისი გარდაბნის იუსტიციის სახლში, ხოლო სიღნაღის, კასპისა და ჩხოროწყუს პრობაციის ოფისები შესაბამის საზოგადოებრივ ცენტრში განთავსდა. 2021 წლის ივლისში, ქუთაისში არასრულწლოვანთა რეფერირების ცენტრის პირველი რეგიონული ოფისი ამოქმედდა. გაძლიერდა ადამიანური რესურსიც. კერძოდ, პრობაციის ოფიცერთა რაოდენობა 12%-ით, სოციალური მუშაკების რაოდენობა 26%-ით, ხოლო ფსიქოლოგების რაოდენობა 67%-ით გაიზარდა. შემუშავდა პრობაციის ოფიცერთა ეთიკის კოდექსი. მსჯავრდებულთა და ყოფილ პატიმართა რესოციალიზაცია-რეაბილიტაციის მიმართულებით, დაინერგა 4 ახალი სარეაბილიტაციო პროგრამა. წელსვე, განრიდების პროგრამებში 577 არასრულწლოვანი და 21 წლამდე სრულწლოვანი ჩაერთო. წარმატებული მედიაციის მაჩვენებელმა კი, 67% შეადგინა. სააგენტოს ბენეფიციართა დასაქმების ხელშეწყობისთვის, მემორანდუმები გაფორმდა სახელმწიფო დასაქმების სააგენტოსა და გარემოს დაცვისა და სოფლის მეურნეობის სამინისტროსთან. შრომამისჯილი პირების ინფრასტრუქტურული პროექტების განხორციელებაში ჩართულობისა და სასჯელის მოხდის შემდგომ, მათი დასაქმების ხელშეწყობისთვის, მემორანდუმები გაფორმდა თბილისის, ქუთაისის, ბათუმის, ფოთის, ოზურგეთის, ზუგდიდის, ხაშურის, ბორჯომის, გურჯაანის, ყვარლის, თელავისა და სიღნაღის მუნიციპალიტეტების მერიებთან. შინაპატიმრობის ეფექტიანი აღსრულების მიზნით, სააგენტოს ორგანიზაციული მხარდაჭერის დეპარტამენტის ელექტრონული ზედამხედველობის ცენტრში შეიქმნა მობილური და 24 საათიანი ელექტრონული მონიტორინგის ჯგუფები. გაღრმავდა თანამშრომლობა აშშ-ს ანტინარკოტიკულ და სამართალდამცავ ორგანოებთან თანამშრობლობის ბიუროსთან (INL), Probbox-ის საერთაშორისო პოპულარიზაციის მიზნით, გააქტიურდა თანამშრომლობა ევროპის პრობაციის კონფედერაციასთან (CEP). სააგენტოს მიღწევების წარდგენის შემდეგ, ბუბა ლომუაშვილი უწყების სტრატეგიული განვითარების გეგმასაც შეეხო. დოკუმენტი 2022-2026 წლებისთვის სააგენტოს პრიორიტეტულ მიმართულებებს, არსებულ გამოწვევებსა და მათი დაძლევის გზებს განსაზღვრავს. ანგარიშის პრეზენტაციას სააგენტოსა და იუსტიციის სამინისტროს სტრუქტურული ერთეულების ხელმძღვანელი პირები ესწრებოდნენ.
ონლაინ შეხვედრა პრობაციის ევროპული კონფედერაციის გენერალურ მდივანთან
პრობაციის ევროპული კონფედერაცია (CEP) Probbox-ს საერთაშორისო პოპულარიზაციას გაუწევს. ამის შესახებ სააგენტოს უფროსის მოადგილემ, ლადო ხელაძემ პრობაციის ევროპული კონფედერაციის გენერალურ მდივანთან, ვილემ ვან დერ ბრუგესთან გამართული შეხვედრისას ისაუბრა. 2022 წლის თებერვალში, კონფედერაციის ვებ-გვერდზე Probbox-ის შესახებ სტატია და ვიდეო რგოლი განთავსდება. CEP-ი ქართული ინოვაციური მოწყობილობის შესაძლებლობების შესახებ მისი წევრების დეტალურ ინფორმირებას განახორციელებს. ამასთან ერთად, სააგენტოს პრობაციის სისტემის წარმომადგენელი კონფედერაციის ტექნოლოგიების ექსპერტთა ჯგუფში ჩაერთვება, რომელიც შესაბამის დარგში ინოვაციების მიმართულებით საუკეთესო პრაქტიკის გაზიარებას და დანერგვას ითვალისწინებს. Probbox-ი - პირობით მსჯავრდებულთა ელექტრონული კონტროლისა და სერვისების უზრუნველყოფის ინოვაციური მოწყობილობაა, რომელიც დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს მიერ შეიქმნა. Probbox-ის საშუალებით, პირველად ევროპაში, პირობით მსჯავრდებულთა კონტროლი და რეგისტრაცია, პრობაციის ბიუროში გამოცხადებასთან ერთად, თითის ანაბეჭდისა და სახის ამომცნობი ტექნოლოგიებით ხორციელდება. Probbox-ი, 2021 წლის 22 დეკემბრიდან, საპილოტე რეჟიმში, თბილისის, თელავის, გორის, ქუთაისის, ზუგდიდისა და ბათუმის იუსტიციის სახლებში დაინერგა, ხოლო შემდგომ ეტაპზე, ქვეყნის მასშტაბით, იუსტიციის სახლებში, საზოგადოებრივ ცენტრებში და მუნიციპალურ შენობებში განთავსდება. ინოვაციური მოწყობილობა პრობაციონერებს დაკისრებული ვალდებულების შესრულებას მნიშვნელოვნად უმარტივებს და მათთვის საჭირო სერვისების მიღებას უზრუნველყოფს.
"PROBBOX"-ის პრეზენტაცია
პრობაციონერები ვალდებულებების შესრულებასა და სერვისების მიღებას საქართველოში შექმნილი ინოვაციური მოწყობილობით შეძლებენ. დღეიდან ეს ყველაფერი პირობით მსჯავრდებულებისთვის ელექტრონულად იქნება უზრუნველყოფილი. ევროპაში პირველი ინოვაციური ტექნოლოგიური მოწყობილობა საპილოტე რეჟიმში ჩაირთო. „PROBBOX“-ი საზოგადოებას იუსტიციის მინისტრმა, რატი ბრეგაძემ მის მოადგილესთან, ბუბა ლომუაშვილთან ერთად წარუდგინა. ინოვაციური ტექნოლოგიური მოწყობილობა იუსტიციის სახლებსა და საზოგადოებრივ ცენტრებში საქართველოს 6 დიდ ქალაქში - თბილისში, თელავში, გორში, ქუთაისში, ზუგდიდსა და ბათუმში განაწილდა. შეთავაზებები სერვისების და დასაქმების შესახებ, ინფორმაცია პირობითი მსჯავრის გაუქმებაზე, რეჟიმის შემსუბუქების მოთხოვნაზე განაცხადის წარდგენა, პრობაციის ოფიცერთან კომუნიკაცია თუ მსჯავრდებულთან ვიდეო პაემნის დაჯავშნა - ამ და სხვა საჭიროებების დაკმაყოფილება „PROBBOX“-ით მოხდება. ნოვატორული სიახლის დანერგვამდე, ვალდებულებების შესასრულებლად პირობით მსჯავრდებულს პრობაციის ბიუროში მისვლა ესაჭიროებოდა. ინოვაციური მოწყობილობის იუსტიციის სახლებსა და საზოგადოებრივ ცენტრებში განაწილება გეოგრაფიულ ხელმისაწვდომობას შეუწყობს ხელს. პირობით მსჯავრდებულთა ელექტრონული კონტროლის ნოვატორული მექანიზმის შექმნის შესახებ იუსტიციის სამინისტროს ათწლიანი გეგმის წარდგენისას დაანონსდა. „PROBBOX“- ი 6 დიდი ქალაქის შემდეგ, ეტაპობრივად, მთელი ქვეყნის მასშტაბით იქნება ხელმისაწვდომი.
სარეაბილიტაციო პროგრამების განახლება დაიწყო
დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს სარეაბილიტაციო პროგრამების განახლება დაიწყო. ამ მიზნით, იუსტიციის სასწავლო ცენტრში სააგენტოს ფსიქოლოგების, სოციალური მუშაკების, დარგის სპეციალისტებისა და არასამთავრობო ორგანიზაციების ექსპერტებისგან შემდგარი სამუშაო ჯგუფის პირველი შეხვედრა შედგა. ფსიქო-სოციალური და პრო-სოციალური სარეაბილიტაციო პროგრამების განახლება სოციალური მუშაკების და ფსიქოლოგების საქმიანობის ეფექტიანობის გაზრდის მიზნით ხორციელდება. პარალელურად მიმდინარეობს ახალ პროგრამებზე სააგენტოს სოციალური მუშაკებისა და ფსიქოლოგების ფასილიტატორებად გადამზადება. ეს ცვლილება პრობაციის სისტემის თანამშრომლების კვალიფიკაციის ამაღლებასა და ბენეფიციარებისთვის ხარისხიანი რესოციალიზაცია-რეაბილიტაციის პროგრამების მიწოდებას ისახავს მიზნად. პროგრამების განახლება სააგენტოს მსჯავრდებულთა და ყოფილ პატიმართა რესოციალიზაცია-რეაბილიტაციის დეპარტამენტის ფსიქოლოგების და სოციალური მუშაკების სამუშაო ჯგუფის ინიციატივით ხორციელდება. მის მხარდაჭერას აშშ-ს ანტინარკოტიკული და სამართალდამცავ ორგანოებთან თანამშრომლობის ბიურო (INL) უზრუნველყოფს. პროცესში დარგის და ადგილობრივი არასამთავრობო ორგანიზაციების - "გლობალური ინიციატივა ფსიქიატრიაში (GIP)“ და "წამების მსხვერპლთა ფსიქოსოციალური და სამედიცინო რეაბილიტაციის ცენტრის (GCRT)" ექსპერტები არიან ჩართული. სარეაბილიტაციო პროგრამების განახლება გაგრძელდება. პროცესში პენიტენციური სამსახურის ფსიქოლოგები და სოციალური მუშაკებიც ჩაერთვებიან. 2022 წლიდან კი, ორივე სისტემას ერთგვაროვანი, ეფექტიანი სარეაბილიტაციო პროგრამების ჩატარების შესაძლებლობა ექნება.
მინისტრის საათი პარლამენტში
პრობაციის მიმართულებით მასშტაბური რეფორმები მიმდინარეობს. პრობაციონერებისთვის შექმნილი ახალი, ელექტრონული კონტროლის თანამედროვე სისტემის ამოქმედების შესახებ იუსტიციის მინისტრმა, რატი ბრეგაძემ მინისტრის საათის ფარგლებში ისაუბრა. რატი ბრეგაძის განცხადებით, პრობაციის მიმართულებით მასშტაბური რეფორმები ტარდება, რომელთა შორის ერთ-ერთია მსჯავრდებულთა ელექტრონული კონტროლის ახლებური მექანიზმი „PROBBOX“-ი, რაც თანამედროვე ტექნოლოგიების გამოყენებით მსჯავრდებულს მასზე დაკისრებული ვალდებულების შესრულებას გაუადვილებს, დაზოგავს ადამიანურ რესურსს და გაზრდის ანონიმურობის ხარისხს. მინისტრის ინფორმაციით, ასევე, შეიქმნა ახალი ინფრასტრუქტურა სხვადასხვა მუნიციპალურ ერთეულში, რეგიონებში გაიხსნა რეფერირების ცენტრები. საზოგადოებრივად სასარგებლო შრომის შესახებ მუნიციპალიტეტებთან გაფორმდა მემორანდუმები.