შეხვედრა ბაღდათის, ვანისა და ჩოხატაურის პრობაციის ბიუროს თანამშრომლებთან
პრობაციის ოფიცრის როლის გაძლიერებისთვის დაგეგმილ სიახლეებს რეგიონული ოფისების თანამშრომლები გაეცნენ. ბაღდათის, ვანისა და ჩოხატაურის პრობაციის ბიუროს თანამშრომლებს ინფორმაცია დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს უფროსმა მიაწოდა. ლადო ხელაძე თანამშრომლებს გაესაუბრა და მათ საჭიროებებს გაეცნო. რეგიონში პრობაციის ბიუროს თანამშრომლებთან შეხვედრაზე პირობით მსჯავრდებულების კონტროლის მექანიზმის გაუმჯობესებისთვის დაგეგმილი სიახლეები და ინფრასტრუქტურული პროექტებიც განიხილეს.
სარეაბილიტაციო პროგრამები განახლდა
დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს სარეაბილიტაციო პროგრამები განახლდა. ფსიქო-სოციალური და პრო-სოციალური სარეაბილიტაციო პროგრამების განახლება სოციალური მუშაკების და ფსიქოლოგების საქმიანობის ეფექტიანობის გაზრდის მიზნით განხორციელდა. ამისთვის, სააგენტოს და პენიტენციური სამსახურის სოციალური მუშაკები და ფსიქოლოგები ფასილიტატორებად გადამზადდნენ. სულ ტრენინგებში 135-მა მონაწილემ მიიღო მონაწილეობა და თითო ტრენინგს სამი სრული სამუშაო დღე დაეთმო. აღნიშნული ცვლილებები პრობაციის და პენიტენციური სისტემების თანამშრომლების კვალიფიკაციის ამაღლებასა და ბენეფიციარებისთვის ხარისხიანი რესოციალიზაცია-რეაბილიტაციის პროგრამების მიწოდების სრულყოფას ისახავს მიზნად. განახლებული სარეაბილიტაციო პროგრამები სპეციალისტებს დღეს გადაეცათ. დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს უფროსმა ლადო ხელაძემ პროცესში ჩართულ პირებს მადლობა გადაუხადა და პროგრამების განახლების მნიშვნელობაზე ისაუბრა. სააგენტოს მსჯავრდებულთა და ყოფილ პატიმართა რესოციალიზაცია-რეაბილიტაციის დეპარტამენტის უფროსმა ნინო ტყეშელაშვილმა განხორციელებულ ცვლილებებზე პრეზენტაცია წარადგინა. პროგრამების განახლება სააგენტოს მსჯავრდებულთა და ყოფილ პატიმართა რესოციალიზაცია-რეაბილიტაციის დეპარტამენტის ინიციატივით და ფსიქოლოგების და სოციალური მუშაკების სამუშაო ჯგუფის ჩართულობით განხორციელდა. პროცესის მხარდაჭერას აშშ-ის საელჩოს ანტინარკოტიკული და სამართალდამცავ ორგანოებთან თანამშრომლობის ბიურო (INL) უზრუნველყოფდა. პროგრამების შექმნაში "გლობალური ინიციატივა ფსიქიატრიაში (GIP)“ და "წამების მსხვერპლთა ფსიქოსოციალური და სამედიცინო რეაბილიტაციის ცენტრის (GCRT)" ექსპერტები მონაწილეობდნენ.
არასრულწლოვანი ბენეფიციარებისთვის კულტურულ-შემეცნებითი ტური მუზეუმში მოაწყო
დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნულმა სააგენტომ არასრულწლოვანი ბენეფიციარებისთვის კულტურულ-შემეცნებითი ტური მუზეუმში მოაწყო. სარეაბილიტაციო პროგრამის ფარგლებში მოზარდები თბილისის მუზეუმების გაერთიანების გალაკტიონ ტაბიძის მემორიალურ მუზეუმში იმყოფებოდნენ, სადაც მწერლის სამუშაო ოთახი და საცხოვრებელი გარემო თითქმის უცვლელადაა აღდგენილი. მათ პოეტისა და საზოგადო მოღვაწის მემორიალური ნივთები დაათვალიერეს. გიდის დახმარებით გაეცნენ მუზეუმში დაცულ ფოტომასალას და ხელნაწერებს. მოზარდებისთვის საგანმანათლებლო აქტივობები გაგრძელდება. სააგენტოს ბენეფიციარებს თბილისის მუზეუმების გაერთიანების სხვა მუზეუმების მონახულების შესაძლებლობაც ექნებათ. შემეცნებითი ღონისძიებები ბენეფიციარების რეაბილიტაცია-რესოციალიზაციის პროცესის ხელშეწყობას ისახავს მიზნად. კულტურულ-შემეცნებითი აქტივობა დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს მსჯავრდებულთა და ყოფილ პატიმართა რესოციალიზაცია-რეაბილიტაციის დეპარტამენტის ინიციატივითა და თბილისის მუზეუმების გაერთიანების მხარდაჭერით განხორციელდა.
პროექტი ,,მე გავხდები პროფესიონალი" გრძელდება
არასრულწლოვანთა რეფერირების ცენტრის პროექტი ,,მე გავხდები პროფესიონალი" გრძელდება. ცენტრის ორგანიზებით, მოზარდები ფოტოგრაფიის სპეციალობის გაცნობის მიზნით, ფოტოსტუდიაში იმყოფებოდნენ. ბენეფიციარებს ცოდნა და პროფესიული გამოცდილება გურამ წიბახაშვილმა გაუზიარა. ის მოზარდებს ფოტოხელოვნებისა და ფოტოგრაფიის შესახებ ესაუბრა. გააცნო პირველი ფოტოგამოსახულებისა და ფოტოაპარატის შექმნის ისტორია. მოგვიანებით კი, ფოტოსტუდიაში ის აპარატურა დაათვალიერებინა, რომელიც პროფესიონალური გადაღებისთვის გამოიყენება. გურამ წიბახაშვილი დაინტერესებულ ახალგაზრდებს პროფესიის დადებით და უარყოფით მხარეებზე ესაუბრა. უცნობი სპეციალობების გაცნობა მოზარდებს მრავალფეროვანი ინტერესების შეძენაში დაეხმარება. პროექტი - „მე გავხდები პროფესიონალი“ ბენეფიციარებისთვის პროფესიის არჩევაში დახმარებას ისახავს მიზნად.
პროექტ "პროფ-ორიენტაციის" ფარგლებში არასრულწლოვანი ბენეფიციარები საწარმოში იმყოფებოდნენ
დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტო ბენეფიციარებს მომავალი პროფესიის არჩევაში ეხმარება. ამ მიზნით, არასრულწლოვანი განრიდებული პირები და რეფერირების ცენტრის ბენეფიციარები “კოკა-კოლა ბოთლერს ჯორჯია“-ს და “აქვა-გეო”-ს საწარმოში იმყოფებოდნენ. მოზარდებმა ქარხანა დაათვალიერეს. საწარმოო პროცესს სპეციალისტების ჩართულობით ადგილზე გაეცნენ და მათთვის საინტერესო კითხვებზე ინფორმაცია მიიღეს. სხვადასხვა სფეროს გაცნობა არასრულწლოვნებს სხვადასხვა სპეციალობის გაცნობასა და სამომავლოდ, პროფესიული არჩევანის გაკეთებაში დაეხმარებათ. სარეაბილიტაციო პროგრამის ფარგლებში მოზარდებისთვის შემეცნებითი აქტივობები გაგრძელდება. ღონისძიებები ბენეფიციარების რეაბილიტაცია-რესოციალიზაციის პროცესის ხელშეწყობას ისახავს მიზნად.
პროექტ “კინოკლუბის“ ფარგლებში, ბენეფიციარებისთვის კინოჩვენება გრძელდება
არასრულწლოვანთა რეფერირების ცენტრის ორგანიზებით, საგანმანათლებლო პროექტ “კინოკლუბის“ ფარგლებში, ბენეფიციარებისთვის კინოჩვენება გრძელდება. მოზარდებმა საქართველოს ეროვნული არქივის კინოდარბაზში თანამედროვე ქართველი რეჟისორის დათა ფირცხალავას ფილმი „მამა“ ნახეს. ჩვენების დაწყებამდე ბენეფიციარებს საქართველოს იუსტიციის მინისტრის მოადგილემ ბუბა ლომუაშვილმა და დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს უფროსმა ლადო ხელაძემ მიმართეს. მათ პიროვნული განვითარების პროცესში ხელოვნების როლსა და რესოციალიზაციის პროცესის ხელშეწყობისთვის სააგენტოს პროექტების მნიშვნელობაზე ისაუბრეს. საგანმანათლებლო პროექტი „კინოკლუბი“ მთელი წლის განმავლობაში გაგრძელდება. სხვადასხვა ასაკობრივ ჯგუფთან კინომცოდნეებისა და ფსიქოლოგების მიერ შერჩეული ქართული, უცხოური მხატვრული და ანიმაციური ფილმები იქნება ნაჩვენები. სეანსის დასრულების შემდეგ, ბენეფიციარებს მოწვეულ სტუმართან ერთად, კინოსურათის განხილვის შესაძლებლობა ექნებათ. არასრუწლოვანთა რეფერირების ცენტრის პროექტი ბენეფიციარებში სამოქალაქო ცნობიერების ამაღლებას, პიროვნული განვითარების ხელშეწყობასა და შემოქმედებით პოტენციალის განვითარებას ემსახურება.
მომავალი მედიატორების გადამზადება დაიწყო
დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტო მომავალი მედიატორების გადამზადებას იწყებს. სასერტიფიკატო კურსის წარმატებით დასრულების შემდეგ მედიატორთა რეესტრში ჩარიცხული პირები, პროფესიული მენტორობის პროგრამის ფარგლებში, პრაქტიკულ სწავლებას გაივლიან. წარმატებულ კურსდამთავრებულებთან კი, შრომითი ხელშეკრულების გაფორმება იქნება შესაძლებელი. სასერტიფიკატო კურსი იუსტიციის მინისტრის მოადგილემ ბუბა ლომუაშვილმა და დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს უფროსმა ლადო ხელაძემ გახსნეს. მათ მომავალ სპეციალისტებს მედიატორთა რეესტრში ჩარიცხვა მიულოცეს და ადამიანური რესურსის განვითარებისკენ მიმართულ ღონისძიებებს გაუსვეს ხაზი. ევროკავშირის პროექტის - „AA FACILITY II“ ხელმძღვანელმა იოლანტა ტაჩინსკამ გამოსვლისას მედიაციის მექანიზმის მნიშვნელობაზე გაამახვილა ყურადღება. მომავალ მედიატორებს სიტყვით მიმართა განრიდებისა და მედიაციის დეპარტამენტის უფროსმა მორის ბარამიამ. სისხლის სამართლის მედიატორთა საკვალიფიკაციო მოთხოვნები, რეესტრის წარმოებისა და ჩარიცხვის წესი 2021 წლიდან მოქმედებს. ის სპეციალურად გადამზადებულ, სათანადო კვალიფიკაციის მქონე სისხლის სამართლის მედიატორთა რეესტრის წარმოებასა და მედიატორთა ადამიანური რესურსების ეფექტიანად მართვის ხელშეწყობას ისახავს მიზნად.
არასრულწლოვანთა რეფერირების ცენტრმა გოგონათა საერთაშორისო დღე აღნიშნა
გოგონათა საერთაშორისო დღესთან დაკავშირებით არასრულწლოვანთა რეფერირების ცენტრმა ბენეფიციარებისთვის კულტურულ-შემეცნებითი ღონისძიებები მოაწყო. „მედიათეკაში“ გამართულ შეხვედრაზე დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს უფროსმა ბენეფიციარებს გოგონათა საერთაშორისო დღე მიულოცა. ლადო ხელაძე მოზარდებს განათლების შესაძლებლობებზე ესაუბრა და ამ მიმართულებით ცენტრის სარეაბილიტაციო პროგრამების მნიშვნელობას გაუსვა ხაზი. ცენტრის ბენეფიციარებთან საუბრისას გოგონათა შესაძლებლობებისა და პროფესიული განვითარების საკითხებს შეეხო ტელეწამყვანი გვანცა დარასელია. მოწვეულმა სტუმარმა მოზარდებს ამ მიმართულებით პირადი გამოცდილება გაუზიარა. ღონისძიების მიწურულს სააგენტოს უფროსმა ღონისძიების მონაწილეებს სიმბოლური საჩუქრები გადასცა. გოგონათა საერთაშორისო დღე მეათე წელია, აღინიშნება. საიუბილეო თარიღთან დაკავშირებით, არასრულწლოვანთა რეფერირების ცენტრმა ბენეფიციარებისთვის ღონისძიებების კვირეული მოაწყო. მოზარდები სხვადასხვა მიმართულების სპეციალისტებს შეხვდნენ და მათთვის საინტერესო საკითხებს გაეცნენ.
არასრულწლოვანთა რეფერირების ცენტრი ბენეფიციარებისთვის კინოჩვენებას განაგრძობს
არასრულწლოვანთა რეფერირების ცენტრი ბენეფიციარებისთვის კინოჩვენებას განაგრძობს. ანიმაციების შემდეგ, პროექტ „კინოკლუბის“ ფარგლებში, მოზარდებმა კომედიური ჟანრის სურათი - „ოქროს ციებ-ცხელება“ ნახეს. სარეაბილიტაციო პროგრამების ფარგლებში, არასრულწლოვანთა რეფერირების ცენტრი ბენეფიციარებისთვის კინოჩვენებას პერიოდულად მართავს. ამჯერად მორიგი ათი სეანსი ეროვნულ კინოცენტრთან თანამშრომლობით, განსხვავებული კონცეფციით დაიგეგმა. კერძოდ, მოზარდებისთვის სხვადასხვა ჟანრის ფილმები კინემატოგრაფიული ღირებულებებით შეირჩა, რათა შინაარსობრივ ნაწილთან ერთად, კინოჩვენებას საგანმანათლებლო დატვირთვაც მიეცეს. პროექტი „კინოკლუბი“ ბენეფიციარებში სამოქალაქო ცნობიერების ამაღლებას, პიროვნული განვითარების ხელშეწყობასა და შემოქმედებით პოტენციალის განვითარებას ემსახურება.