დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს ანალიტიკური დეპარტამენტის უფროსმა იასონ ნაჭყებიამ მონაწილეობა მიიღო თურქეთის იუსტიციის სამინისტროსა და გაეროს ბავშვთა ფონდის თურქეთის ოფისის მიერ ორგანიზებულ პანელურ დისკუსიაში, რომელიც ქალაქ ანკარაში გაიმართა.

სესიაზე განიხილეს მართლმსაჯულების სფეროში ანალიტიკური და კვლევითი საქმიანობის აქტუალური საკითხები. განსაკუთრებული ყურადღება დაეთმო აღდგენითი მართლმსაჯულების პროგრამების ეფექტიანობასა და არასრუწლოვანთა შორის დანაშაულის რეციდივის კვლევას.

იასონ ნაჭყებიამ, ასევე, შეხვედრა გამართა თურქეთის იუსტიციის სამინისტროს ციხეების დირექტორატის პრობაციის დეპარტამენტის უფროსთან, ჰუსეინ შიკთან. საუბარი შეეხო საქართველოსა და თურქეთს შორის პრობაციის სფეროში ორმხრივი თანამშრომლობის გაღრმავების შესაძლებლობებს.