დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს არასრულწლოვანი ბენეფიციარები „სილქ ფაქტორი სტუდიოში“ მხატვარ ქეთი კავილაძის ნამუშევრების გამოფენას დაესწრნენ.

არასრულწლოვანმა ბენეფიციარებმა ხატვის მასტერკლასში მიიღეს მონაწილეობა. მათ საშუალება ჰქონდათ მხატვრისგან მიეღოთ რეკომენდაციები პალიტრის შერჩევასთან დაკავშირებით და თავად შეესრულებინათ ნამუშევრები აკვარელის ქაღალდზე. მსგავსი აქტივობები მოზარდებს ინტერესის ახალი სფეროს გამოკვეთასა და სამომავლოდ, პროფესიული არჩევანის გაკეთებაში ეხმარება.

ღონისძიება დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს ორგანიზებით გაიმართა და მისი მიზანი არასრულწლოვანთა რეაბილიტაციის, რესოციალიზაციისა და სოციალიზაციის პროცესის ხელშეწყობაა.