მსჯავრდებული ქალებისთვის თელავში, ქუთაისში, ზუგდიდსა და ბათუმში იურიდიულ საკითხებზე საინფორმაციო შეხვედრები გაიმართა
დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს ინიციტივითა და იურიდიული დახმარების სამსახურის მხარდაჭერით მსჯავრდებული ქალებისთვის თელავში, ქუთაისში, ზუგდიდსა და ბათუმში საინფორმაციო შეხვედრები გაიმართა.შეხვედრების მიზანს ბენეფიციარებისთვის ქალთა უფლებების, ქალთა და მამაკაცთა თანასწორუფლებიანობის, გენდერული ნიშნით დისკრიმინაციის დაუშვებლობის, ასევე ქალთა და ოჯახში ძალადობის მსხვერპლთა უფლებების და მათი დაცვის სახელმწიფო მექანიზმების შესახებ ცნობადობის ამაღლება წარმოადგენდა. შეხვედრის მონაწილეებს ასევე , მიეწოდათ ინფორმაცია იურიდიული დახმარების სამსახურის სერვისების შესახებ. „ნარინჯისფერი კვირეული“ , რომელიც დეკემბერში აღინიშნება, გლობალური ინიციატივაა და ქალთა მიმართ ძალადობის პრობლემატიკაზე საზოგადოების ცნობიერების ამაღლებას ემსახურება.
დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს არასრულწლოვანი ბენეფიციარებისთვის ფსიქიკური ჯანმრთელობის ცნობიერების ამაღლების მიზნით ფსიქიატრ დავით ზურაბაშვილთან შეხვედრა გაიმართა.
დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს არასრულწლოვანი ბენეფიციარებისთვის ფსიქიკური ჯანმრთელობის ცნობიერების ამაღლების მიზნით ფსიქიატრ დავით ზურაბაშვილთან შეხვედრა გაიმართა. ფსიქიატრმა არასრულწლოვნებთან ისაუბრა ფსიქიკური ჯანმრთელობის მნიშვნელობაზე ადამიანის ცხოვრებაში; მენტალური ჯანმრთელობის პრობლემების გავლენაზე; სტრესთან გამკლავებასა და პოზიტიური ურთიერთობების შენარჩუნებაზე. ჯანდაცვის მსოფლიო ორგანიზაციის (WHO) მიხედვით, ყოველი მეოთხე ადამიანი ცხოვრების გარკვეულ ეტაპზე განიცდის ფსიქიკურ ან ნევროლოგიურ აშლილობას. ისეთი ფსიქოლოგიური მახასიათებლები, როგორიცაა დეპრესია, შფოთვა, ბიპოლარული აშლილობა და შიზოფრენია, საკმაოდ გავრცელებული მდგომარეობებია, ისინი გავლენას ახდენენ მილიონობით ადამიანზე, მსოფლიოს მასშტაბით.
დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს ბენეფიციარები რუსთავის ისტორიულ მუზეუმს ესტუმრნენ
დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს ბენეფიციარები რუსთავის ისტორიულ მუზეუმს ესტუმრნენ. კულტურულ - შემეცნებითი ვიზიტის ფარგლებში ახალგაზრდებმა მიიღეს ინფორმაცია მუზეუმში დაცულ ძვ. წ. XIX საუკუნიდან ახ. წ. XVIII საუკუნის ჩათვლით 28 771 ექსპონატსა და არქეოლოგიური ექსპედიციების მიერ მოპოვებულ მასალებზე. სარეაბილიტაციო პროგრამის ფარგლებში, ბენეფიციარებისთვის განხორციელებული შემეცნებითი ღონისძიებები მათ რეაბილიტაცია-რესოციალიზაციის პროცესის ხელშეწყობას ისახავს მიზნად. მუზეუმში ვიზიტი დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოსა და რუსთავის ისტორიული მუზეუმის მხარდაჭერით განხორციელდა.
სისხლის სამართლის პასუხისმგებლობის ასაკს მიუღწეველ და რთული ქცევის მქონე არასრულწლოვანთა რეფერირების პროცესის ხელშეწყობის მიზნით, მულტიუწყებრივი შეხვედრები გაიმართა.
სისხლის სამართლის პასუხისმგებლობის ასაკს მიუღწეველ და რთული ქცევის მქონე არასრულწლოვანთა რეფერირების პროცესის ხელშეწყობის მიზნით, მულტიუწყებრივი შეხვედრები გაიმართა. საჯარო და არასამთავრობო სექტორების წარმომადგენლები არასრულწლოვანთა რეფერირების ცენტრის მუშაობის სპეციფიკას გაეცნენ. განიხილეს რეფერირების მექანიზმის არსებული პრაქტიკა და სამომავლო თანამშრომლობა დაგეგმეს. შეხვედრები 2021 წლიდან ხორციელდება და სისხლის სამართლის პასუხისმგებლობის ასაკს მიუღწეველ და რთული ქცევის მქონე არასრულწლოვანთა რეფერირების, ასევე კოორდინაციის პროცესის ხელშეწყობას ისახავს მიზნად. მულტიუწყებრივ შეხვედრებს, რომელიც გორში, ხაშურსა და ახალციხეში გაიმართა დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს, მანდატურის სამსახურის, სახელმწიფო ზრუნვის სააგენტოს, შინაგან საქმეთა სამინისტროს, პროკურატურის, ადგილობრივი მუნიციპალიტეტებისა და არასამთავრობო ორგანიზაციების წარმომადგენლები ესწრებოდნენ.
ხაშურში არასრულწლოვანთა რეფერირების ცენტრი გაიხსნა
ხაშურში არასრულწლოვანთა რეფერირების ცენტრი გაიხსნა. ცენტრის მიზანია სისხლის სამართლის პასუხისმგებლობის ასაკს მიუღწეველ და რთული ქცევის მქონე არასრულწლოვანთა რეაბილიტაცია, რესოციალიზაცია და სოციალიზაცია, ასევე, დანაშაულის პრევენცია, ინსტიტუციური და კომპლექსური მიდგომით. არასრულწლოვანთა რეფერირების ახალ ცენტრში ბენეფიციარების რეაბილიტაციისა და რესოციალიზაციის პროცესის ეფექტიანი განხორციელებისთვის ყველა პირობაა შექმნილი და შესაბამისი საჭიროებები სრულად არის გათვალისწინებული. რეფერირების ცენტრი გახსნა იუსტიციის მინისტრის მოადგილე ბუბა ლომუაშვილმა და დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს უფროსმა ლადო ხელაძემ. ღონისძიებას, ასევე, ესწრებოდნენ პრემიერ-მინისტრის მრჩეველი ადამიანის უფლებების დაცვის საკითხებში ნიკო თათულაშვილი და ხაშურის მუნიციპალიტეტის მერი თენგიზ ჩიტიაშვილი. არასრულწლოვანთა რეფერირების ცენტრი აქამდე თბილისში, ქუთაისში, თელავსა და ბათუმში არსებობდა. დღეიდან უკვე ხაშურში ფუნქციონირებს. არასრულწლოვანთა რეფერირების ცენტრი საქართველოს იუსტიციის სამინისტროს დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს სტრუქტურული ერთეულია.
დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტო არასრულწლოვანთა დანაშაულის პრევენციის მიმართულებით სკოლებში შეხვედრებს მართავს
დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტო არასრულწლოვანთა დანაშაულის პრევენციის მიმართულებით სკოლებში შეხვედრებს მართავს. საინფორმაციო-შემეცნებითი პროექტი განკუთვნილია საჯარო სკოლების VI–XII კლასის მოსწავლეებისთვის და მოიცავს ისეთ საკითხებს, როგორიცაა: არასრულწლოვანთა დანაშაული; კიბერუსაფრთხოება, ძალადობისა და ბულინგის პრევენცია, კონფლიქტების მართვა; დანაშაულის შეუტყობინებლობა, განსაცდელში მიტოვება, უკანონოდ მოპოვებული ნივთის შეძენა, ცივი იარაღის ტარება, ცრუ ჩვენების მიცემა და სხვა. პროექტის მიზანია სკოლის ადმინისტრაციისა და არასრულწლოვანთა ცნობიერების ამაღლება დანაშაულის პრევენციის სამართლებრივ მექანიზმებთან დაკავშირებით, ასევე, მოზარდთა ინფორმირება სარისკო ქცევების შესახებ და მათთვის კონფლიქტის მართვის უნარების გამომუშავება. შეხვედრები ქვეყნის მასშტაბით 150 საჯარო სკოლაში ეტაპობრივად, წლის ბოლომდე გაიმართება.
დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს არასრულწლოვანი ბენეფიციარები ღვინის დამზადების ტექნოლოგიას გაეცნენ.
დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს არასრულწლოვანი ბენეფიციარები ღვინის დამზადების ტექნოლოგიას გაეცნენ. მოზარდები კახეთში, კომპანია “ასკანელს” ესტუმრნენ, მოისმინეს მისი დაარსების ისტორია და საწარმოო პროცესს გაეცნენ. დაათვალიერეს კომპანიის ვენახები, სადაც საშუალება ჰქონდათ ინფორმაცია მიეღოთ ქართული ღვინის სხვადასხვა სახეობის ჯიშების შესახებ და მონაწილეობა მიეღოთ რთველში. მსგავსი აქტივობები მოზარდებს ინტერესის ახალი სფეროს გამოკვეთასა და სამომავლოდ, პროფესიული არჩევანის გაკეთებაში ეხმარება. ღონისძიება დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს ორგანიზებითა და კომპანია „ასკანელის“ მხარდაჭერით გაიმართა და მისი მიზანი არასრულწლოვანთა რეაბილიტაციის, რესოციალიზაციისა და სოციალიზაციის პროცესის ხელშეწყობაა.
დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს არასრულწლოვანი ბენეფიციარები მხატვარ ნინა ვადაჭკორიას ფერწერულ ნამუშევრების გამოფენას დაესწრნენ.
დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს არასრულწლოვანი ბენეფიციარები მხატვარ ნინა ვადაჭკორიას ფერწერულ ნამუშევრების გამოფენას დაესწრნენ. მხატვარი „სილქ ფაქტორი სტუდიო“-ში მოზარდებს სახვითი ხელოვნების როლზე ესაუბრა და ხატვის მასტერკლასში მიაღებინა მონაწილეობა. არასრულწოვნებს, მხატვარმა გაუზიარა გამოცდილება პალიტრის შერჩევასა და ხატვის ტექნიკებთან დაკავშირებით. მსგავსი აქტივობები მოზარდებს ინტერესის ახალი სფეროს გამოკვეთასა და სამომავლოდ, პროფესიული არჩევანის გაკეთებაში ეხმარება. ღონისძიება დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს ორგანიზებით გაიმართა და მისი მიზანი არასრულწლოვანთა რეაბილიტაციის, რესოციალიზაციისა და სოციალიზაციის პროცესის ხელშეწყობაა.
პრობაციონერებს, განრიდების სუბიექტებსა და ყოფილ პატიმრებს ზესტაფონის, სამტრედიის, სენაკისა და ჩხოროწყუს მუნიციპალიტეტში ანაზღაურებად სამუშაოზე დასაქმების შესაძლებლობა მიეცემათ.
პრობაციონერებს, განრიდების სუბიექტებსა და ყოფილ პატიმრებს ზესტაფონის, სამტრედიის, სენაკისა და ჩხოროწყუს მუნიციპალიტეტში ანაზღაურებად სამუშაოზე დასაქმების შესაძლებლობა მიეცემათ. საზოგადოებისთვის სასარგებლო შრომის ეფექტიანი აღსრულებისთვის, გაიზარდა დასაქმების ობიექტების რიცხვი, რომლის ფარგლებშიც, მსჯავრდებული პირები, რომლებსაც სასჯელის სახედ დაკისრებული აქვთ საზოგადოებისთვის სასარგებლო შრომა ინფრასტრუქტურულ ობიექტებზე დასაქმდებიან. სააგენტოს ბენეფიციარები მუნიციპალიტეტებში მოქმედ საგანმანათლებლო, ახალგაზრდულ, კულტურულ, სპორტულ და მოხალისეობრივ პროგრამებსა და აქტივობებში ჩაერთვებიან. ბენეფიციართა დასაქმებას ითვალისწინებს თანამშრომლობის მემორანდუმი, რომელსაც ხელი დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს უფროსმა - ლადო ხელაძემ, ზესტაფონის მუნიციპალიტეტის მერმა - ვასილ გველესიანმა, სამტრედიის მუნიციპალიტეტის მერმა - დავით ბახტაძემ, სენაკის მუნიციპალიტეტის მერმა - ვახტანგ გადელიამ და ჩხოროწყუს მუნიციპალიტეტის მერმა - დათო გოგუამ მოაწერეს. გასულ წელს, სააგენტომ თანამშრომლობის მემორანდუმები უკვე გააფორმა რუსთავის, თეთრიწყაროს, მარნეულის და ქობულეთის მერიებთან, რაც ბენეფიციართა დასაქმებისა და რეაბილიტაცია-რესოციალიზაციის ხელშეწყობას ისახავს მიზნად